ବାପାଙ୍କୁ ମନେ ପକାଇଲେ ରାହୁଲ, ଲେଖିଲେ ଏମିତି କଥା

ନୂଆଦିଲ୍ଲୀ: ଆଜି ହେଉଛି ପୂର୍ବତନ ପ୍ରଧାନମନ୍ତ୍ରୀ ସ୍ୱର୍ଗତ ରାଜୀବ ଗାନ୍ଧିଙ୍କ ୭୬ତମ ଜୟନ୍ତୀ। ଏହି ଅବସରରେ ତାଙ୍କ ପୁଅ ତଥା କଂଗ୍ରେସ ନେତା ରାହୁଲ ଗାନ୍ଧି ତାଙ୍କୁ ମନେ ପକାଇ ଏକ ଟ୍ୱିଟ୍ କରିଛନ୍ତି।

ରାହୁଲ ଲେଖିଛନ୍ତି, ‘ରାଜୀବ ଗାନ୍ଧି ଜଣେ ଦୂରଦୃଷ୍ଟି ସଂପନ୍ନ ବ୍ୟକ୍ତି ଥିଲେ। ସେ ନିଜ ସମୟ ଠାରୁ ବେଶ୍ ଆଗକୁ ଭାବୁଥିଲେ। କିନ୍ତୁ ଏସବୁ ବାଦ୍, ସେ ଜଣେ ସହାନୁଭୂତିଶୀଳ ଓ ସ୍ନେହୀ ମଣିଷ ଥିଲେ। ମୁଁ ବହୁତ ଭାଗ୍ୟବାନ ଯେ ସେ ମୋ ବାପା। ମୁଁ ଏଥିପାଇଁ ଗର୍ବିତ ମଧ୍ୟ। ଆମେ ତାଙ୍କ ଅଭାବ ଆଜି ଓ ପ୍ରତିଦିନ ଅନୁଭବ କରୁ।’

Rajiv Gandhi was a man with a tremendous vision, far ahead of his times. But above all else, he was a compassionate and loving human being.

I am incredibly lucky and proud to have him as my father.

We miss him today and everyday. pic.twitter.com/jWUUZQklTi

— Rahul Gandhi (@RahulGandhi) August 20, 2020

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ସ୍ୱର୍ଗତ ରାଜୀବ ଗାନ୍ଧିଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି। ସେ ଟ୍ୱିଟ୍ କରି ଲେଖିଛନ୍ତି ଯେ ଜନ୍ମଦିନରେ ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧିଜୀଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରୁଛି।

On his birth anniversary, tributes to former Prime Minister Shri Rajiv Gandhi Ji.

— Narendra Modi (@narendramodi) August 20, 2020

ସବୁଠୁ କମ୍ ବୟସରେ ରାଜୀବ ଗାନ୍ଧି ଦେଶର ପ୍ରଧାନମନ୍ତ୍ରୀ ହୋଇଥିଲେ। ତାଙ୍କ ମା’ ତଥା ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧିଙ୍କୁ ହତ୍ୟା କରାଯିବା ପରେ ସେ ପ୍ରଧାନମନ୍ତ୍ରୀ ହୋଇଥିଲେ। ମାତ୍ର ୪୦ ବର୍ଷ ବୟସରେ ସେ ପ୍ରଧାନମନ୍ତ୍ରୀ ହୋଇଥିଲେ।

୧୯୪୪ ମସିହାରେ ଆଜିର ଦିନରେ ଜନ୍ମ ହୋଇଥିବା ରାଜୀବ ଗାନ୍ଧିଙ୍କୁ ୧୯୯୧ ମସିହା ମେ ୨୧ ତାରିଖରେ ତାମିଲନାଡୁର ଶ୍ରୀପେରୁମ୍ବୁଦୁରରେ ଏକ ନିର୍ବାଚନୀ ରାଲିରେ ହତ୍ୟା କରାଯାଇଥିଲା। ଏଲ୍‌ଟିଟିଇ ପକ୍ଷରୁ ଆତ୍ମଘାତୀ ବିସ୍ଫୋରଣ କରାଯାଇ ତାଙ୍କୁ ହତ୍ୟା କରାଯାଇଥିଲା।

The post ବାପାଙ୍କୁ ମନେ ପକାଇଲେ ରାହୁଲ, ଲେଖିଲେ ଏମିତି କଥା appeared first on Odisha Reporter.

from Odisha Reporter https://ift.tt/2Q85aL1