ବଲିଉଡ୍‌ର ଡ୍ରଗସ୍‌ ଲିଙ୍କକୁ ନେଇ କଙ୍ଗନାଙ୍କ ଚାଞ୍ଚଲ୍ୟକର ବୟାନ, ମାଗିଲେ ସୁରକ୍ଷା

ମୁମ୍ୱାଇ : ଅଭିନେତ୍ରୀ କଙ୍ଗନା ରାଣାୱତ୍‌ ବଲିଉଡ୍‌ରେ ଡ୍ରଗ୍ସ ସହିତ ଥିବା କନେକ୍ସନ୍‌କୁ ନେଇ ତଥ୍ୟ ଦେବାକୁ ଚାହୁଁଛନ୍ତି। ଏବେ କଙ୍ଗନା କରିଥିବା କିଛି ଟ୍ୱିଟସ୍‌ ସାମ୍ନାକୁ ଆସିଛି। ବଲିଉଡ୍‌ରେ କେଉଁ ପପୁଲାର୍‌ ଡ୍ରଗସ୍‌ ଅଧିକ ବ୍ୟବହାର କରାଯାଇଥାଏ, ଏହି ଟ୍ୱିଟ୍‌ରେ କଙ୍ଗନା ଉଲ୍ଲେଖ କରିଛନ୍ତି। କେବଳ ଏତିକି ନୁହେଁ, ସେ ନାର୍କୋଟିକ୍ସ ଡିପାର୍ଟମେଣ୍ଟକୁ ସାହାଯ୍ୟ କରିବା ପାଇଁ ମଧ୍ୟ ପ୍ରସ୍ତୁତ ଅଛନ୍ତି, ହେଲେ ଏହା ପରିବର୍ତ୍ତେ ସେ କେନ୍ଦ୍ର ସରକାରଙ୍କଠାରୁ ସୁରକ୍ଷା ଚାହୁଁଛନ୍ତି। ଏବେ ସୁଶାନ୍ତଙ୍କ ଭଉଣୀ ଶ୍ୱେତା ସିଂହ ମଧ୍ୟ କଙ୍ଗନାଙ୍କୁ ସୁରକ୍ଷା ଦେବା ପାଇଁ ପ୍ରଧାନମନ୍ତ୍ରୀ ମୋଦିଙ୍କୁ ଅନୁରୋଧ କରିଛନ୍ତି।

ଟ୍ୱିଟରେ କଙ୍ଗନା ଲେଖିଛନ୍ତି, ‘ଫିଲ୍ମ ଇଣ୍ଡଷ୍ଟ୍ରୀରେ ସବୁଠାରୁ ପପୁଲାର୍‌ ଡ୍ରଗ୍‌ ହେଉଛି କୋକେନ୍। ଏହି ଡ୍ରଗସ୍‌ ପାଖାପାଖି ସବୁ ହାଉସ୍‌ ପାର୍ଟିରେ ବ୍ୟବହାର କରାଯାଇଥାଏ। ଏହି ଡ୍ରଗ୍‌ର ଦାମ୍‌ ବହୁତ ଅଧିକ। ଯେବେ ଆରମ୍ଭରେ ଆପଣ କୌଣସି ବଡ଼ ହାଉସ୍‌ ପାର୍ଟିକୁ ଯାଇଥା’ନ୍ତି, ଏହି ଡ୍ରଗ୍‌ ଆପଣଙ୍କୁ ମାଗଣାରେ ଦିଆଯାଇଥାଏ। ଏପରିକି ଆପଣଙ୍କ ଅଜାଣତରେ ପାଣିରେ ଏମ୍‌ଡିଏମ୍‌ଏ କ୍ରିଷ୍ଟାଲ୍‌ ମିଶାଇ ଆପଣଙ୍କୁ ପିଇବାକୁ ଦିଆଯାଇଥାଏ।’

Most popular drug in the film industry is cocaine, it is used in almost all house parties it’s very expensive but in the beginning when you go to the houses of high and mighty it’s given free, MDMA crystals are mixed in water and at times passed on to you without your knowledge.

— Kangana Ranaut (@KanganaTeam) August 26, 2020

ସେହିପରି ଅନ୍ୟ ଏକ ଟ୍ୱିଟ୍‌ରେ କଙ୍ଗନା ଲେଖିଛନ୍ତି, ‘ମୁଁ ନାର୍କୋଟିକ୍ସ ବ୍ୟୁରୋକୁ ଏହି ମାମଲାରେ ସାହାଯ୍ୟ କରିବାକୁ ଚାହୁଁଛି। କାରଣ ଏସବୁ ମୁଁ ବ୍ୟକ୍ତିଗତ ଭାବରେ ଦେଖିଛି। କିନ୍ତୁ ମୋ କ୍ୟାରିଅର୍‌ ଓ ଜୀବନ ପ୍ରତି ବିପଦ ରହିଛି। ତେଣୁ ମୋତେ ସୁରକ୍ଷା ଯୋଗାଇ ଦିଆଯାଉ।’

I am more than willing to help @narcoticsbureau but I need protection from the centre government, I have not only risked my career but also my life, it is quiet evident Sushanth knew some dirty secrets that’s why he has been killed.

— Kangana Ranaut (@KanganaTeam) August 26, 2020

କଙ୍ଗନାଙ୍କର ଏହି ଟ୍ୱିଟକୁ ସୁଶାନ୍ତଙ୍କ ଭଉଣୀ ପ୍ରଧାନମନ୍ତ୍ରୀଙ୍କୁ ଟ୍ୟାଗ୍‌ କରି ଲେଖିଛନ୍ତି, ‘ନାର୍କୋଟିକ୍ସ ବ୍ୟୁରୋକୁ ସାହାଯ୍ୟ କରିବା ପାଇଁ କଙ୍ଗନାଙ୍କୁ ସୁରକ୍ଷା ଦିଅନ୍ତୁ।’

View this post on Instagram

Requesting @PMOIndia @narendramodi to look into providing security for Kangana @KanganaTeam so that she can help with the investigation of @narcoticsbureau. 🙏

A post shared by Shweta Singh kirti (@shwetasinghkirti) on Aug 26, 2020 at 12:27pm PDT

ସୂଚନାଯୋଗ୍ୟ, ରିଆ ଚକ୍ରବର୍ତ୍ତୀଙ୍କ ଡ୍ରଗ୍‌ ଚାଟ୍‌ ଭାଇରାଲ୍‌ ହେବା ପରେ ସୁଶାନ୍ତଙ୍କ କେସ୍‌ ଏକ ନୂଆ ମୋଡ଼ ନେଇଥିଲା। ରିଆ ସୁଶାନ୍ତଙ୍କୁ ଡ୍ରଗ୍‌ ଦେଉଥିଲେ ବୋଲି ମଧ୍ୟ ଅଭିଯୋଗ ହୋଇଛି। ଏପରିକି ସେ ଡ୍ରଗ୍‌ ଡିଲିଙ୍ଗ୍‌ ସହିତ ସମ୍ପୃକ୍ତ ଥିବା ନେଇ ସନ୍ଦେହ ଉପୁଜିଛି।

The post ବଲିଉଡ୍‌ର ଡ୍ରଗସ୍‌ ଲିଙ୍କକୁ ନେଇ କଙ୍ଗନାଙ୍କ ଚାଞ୍ଚଲ୍ୟକର ବୟାନ, ମାଗିଲେ ସୁରକ୍ଷା appeared first on Odisha Reporter.

from Odisha Reporter https://ift.tt/3gBvuHY