ପଶ୍ଚିମବଙ୍ଗ ରାଜ୍ୟପାଳ ‘ବିଜେପିର ଲାଉଡ ସ୍ପିକର’: ଟିଏମସି ସାଂସଦ

କୋଲକାତା: ଗୁରୁବାର ପଶ୍ଚିମବଙ୍ଗ ରାଜ୍ୟପାଳ ଜଗଦୀପ ଧନକାର ଗୃହମନ୍ତ୍ରୀ ଅମିତ ଶାହଙ୍କୁ ଭେଟିଥିଲେ। ଏହାପରେ ଟିଏମସି ସାଂସଦ ରାଜ୍ୟପାଳଙ୍କୁ ‘ବିଜେପିର ଲାଉଡସ୍ପିକର’ ବୋଲି କହିଛନ୍ତି। ବାରମ୍ୱାର ଦିଲ୍ଲୀ ଗସ୍ତରେ ଆସି ବିଜେପି ନେତା ତଥା ମନ୍ତ୍ରୀଙ୍କୁ ଭେଟୁଥିବାରୁ ଏଭଳି କହିଛନ୍ତି ବୋଲି ମମତା ବାନାର୍ଜୀଙ୍କ ନେତା କଲ୍ୟାଣ ବାନାର୍ଜୀ କହିଛନ୍ତି।

ରାଜ୍ୟପାଳ ଦିଲ୍ଲୀରେ ଗୃହମନ୍ତ୍ରୀଙ୍କୁ ଭେଟିବା ବେଳେ ଅନେକ ମିଛ କହୁଛନ୍ତି ବୋଲି ସେ ଟ୍ୱିଟ୍ କରି କହିଛନ୍ତି। ରାଜ୍ୟପାଳ ରାଜଭବନକୁ ଅପମାନ କରାଉଛନ୍ତି ବୋଲି କହିଛନ୍ତି।

The Governor of West Bengal @jdhankhar1 is a loudspeaker of BJP. Did he go to meet the Home Minister or did he go to meet his BJP leaders ? He has done it around 99 times, so this must be chapter 100, Once again he went to Delhi with his garbage of lies (1/2)

— Kalyan Banerjee (@KBanerjee_AITC) October 29, 2020

ସୂଚନାଯୋଗ୍ୟ, ଗତକାଲି ଗୃହମନ୍ତ୍ରୀ ଅମିତ ଶାହଙ୍କୁ ଭେଟିବା ପରେ ରାଜ୍ୟପାଳ କହିଥିଲେ ରାଜ୍ୟରେ ଯେଉଁଭଳି ଆଇନ ଶୃଙ୍ଖଳା ରହିଛି ତାହା ନିନ୍ଦନୀୟ। ଏଥିପାଇଁ ମମତା ବାନାର୍ଜୀ ସରକାର ଏବଂ ରାଜ୍ୟର ଅମଲାତନ୍ତ୍ର ଏବଂ ପୁଲିସ ବିଭାଗକୁ ସେ ନିନ୍ଦା କରିଥିଲେ। ଅଲ-କାଏଦା ଭଳି ଆତଙ୍କବାଦୀ ସଂଗଠନ ରାଜ୍ୟରେ ବୃଦ୍ଧି ପାଉଥିବାବେଳେ ଆଇଏଏସ୍ ଏବଂ ଆଇପିଏସ୍ ଅଧିକାରୀମାନେ ସେମାନଙ୍କ ଦାୟିତ୍ୱ ଠିକ୍ ଭାବରେ ତୁଲାଉନଥିବା ଜଗଦୀପ କହିଥିଲେ।

ରାଜ୍ୟ ସୁରକ୍ଷା ପରାମର୍ଶଦାତା ପାଇଁ ଅବସରପ୍ରାପ୍ତ ଡିଜିପି ରହିଛନ୍ତି। ଏବେ ସେ କଣ କରୁଛନ୍ତି ବୋଲି ରାଜ୍ୟପାଳ ପ୍ରଶ୍ନ କରିଥିଲେ। ସେ ରାଜନୀତିକ କାମ ପାଇଁ ନିଯୁକ୍ତ ହୋଇଛନ୍ତି ବୋଲି ଧନକାର ପ୍ରଶ୍ନ କରିଥିଲେ। ସେ ଅଭିଯୋଗ କରିଛନ୍ତି ଯେ ରାଜ୍ୟରେ ବୋମା ତିଆରି କାରଖାନା ବଢ଼ି ଚାଲିଛି। ଆମ୍ବୁଲାନ୍ସ ଜରିଆରେ ବିସ୍ଫୋରକ ସାମଗ୍ରୀ ପରିବହନ ହେଉଛି ବୋଲି ରାଜ୍ୟପାଳ କହିଥିଲେ।

The post ପଶ୍ଚିମବଙ୍ଗ ରାଜ୍ୟପାଳ ‘ବିଜେପିର ଲାଉଡ ସ୍ପିକର’: ଟିଏମସି ସାଂସଦ appeared first on Odisha Reporter.

from Odisha Reporter https://ift.tt/3e7yiNm