ପାକିସ୍ତାନରୁ ଭିଟାମାଟିକୁ ଫେରିବା ପରେ କ’ଣ ପାଇଲେ ବିର୍ଜୁ

ରାଉରକେଲା(ଓଡ଼ିଶା ରିପୋର୍ଟର): ପାକିସ୍ତାନ ଜେଲରେ ୨୫ ବର୍ଷ ରହିବା ପରେ ନିଜ ଭିଟାମାଟିକୁ ଫେରିଛନ୍ତି ବିର୍ଜୁ କୁଲୁ। ସୁନ୍ଦରଗଡ କୁତ୍ରା ବ୍ଲକ୍ ଅନ୍ତର୍ଗତ ଜଙ୍ଗରପଡା ଗ୍ରାମକୁ ଫେରିବାର ଦିନ ପରେ ତାଙ୍କୁ ସହାୟତା ଯୋଗାଇଛି ପ୍ରଶାସନ। ବିର୍ଜୁଙ୍କୁ ଅନ୍ତ୍ୟୋଦୟ ଯୋଜନାରେ ସାମିଲ କରାଯାଇଛି । ଏଥିସହ ୩୦ ହଜାର ଟଙ୍କା ସହାୟତା ଦିଆଯାଇଛି । ସେହିପରି ବିର୍ଜୁଙ୍କୁ ଚାଉଳ ବସ୍ତା ସହ ରାସନ୍ ମଧ୍ୟ ପ୍ରଦାନ କରାଯାଇଛି। ସୁନ୍ଦରଗଡ଼ ପିଡି ଡିଆରଡିଓ ପହଞ୍ଚି ତାଙ୍କୁ ଭେଟିଛନ୍ତି।  ଗତକାଲି ବିର୍ଜୁ କୁତ୍ରା ପହଞ୍ଚିଥିଲେ। ଜିଲ୍ଲା ପ୍ରଶାସନ ପକ୍ଷରୁ ତାଙ୍କୁ ଅମୃତସରରୁ ଓଡ଼ିଶା ଅଣାଯାଇଥିଲା । ପାକିସ୍ତାନ ଜେଲରେ ୨୫ ବର୍ଷ ଧରି ରହିବା ପରେ ସ୍ୱେଦେଶ ଫେରିଛନ୍ତି ବିର୍ଜୁ ।

The post ପାକିସ୍ତାନରୁ ଭିଟାମାଟିକୁ ଫେରିବା ପରେ କ’ଣ ପାଇଲେ ବିର୍ଜୁ appeared first on Odisha Reporter.

from Odisha Reporter https://ift.tt/36A1A45