ଅସଦାଚରଣ ଅଭିଯୋଗ ଆଣିଲେ ବିଗ୍ ବସ୍ ଫେମ୍ ଅଭିନେତ୍ରୀ

ମୁମ୍ବାଇ(ଓଡ଼ିଶା ରିପୋର୍ଟର): ପ୍ରଯୋଜକଙ୍କ ବିରୋଧରେ ସାଂଘାତିକ ଅଭିଯୋଗ ଆଣିଲେ ବିଗ୍ ବସ୍-୯ ଫେମ୍ ତଥା ଅଭିନେତ୍ରୀ ମନ୍ଦନା କରିମ । ପ୍ରଯୋଜକ ମହେନ୍ଦ୍ର ଧରିୱାଲ ଶୁଟିଂ ସେଟ୍ ରେ ତାଙ୍କୁ ଅସଦାଚରଣ କରିଥିବା ସେ ଅଭିଯୋଗ କରିଛନ୍ତି ।

ଅଭିଯୋଗ ମୁତାବକ, ଫିଲ୍ମ ‘କୋକା କୋଲା’ର ଶୁଟିଂ ସମୟରେ ମନ୍ଦନା ନିଜ ଭ୍ୟାନିଟି ଭ୍ୟାନରେ ଡ୍ରେସ ବଦଳାଇବାକୁ ଯାଇଥିଲେ । ଏହି ସମୟରେ ଫିଲ୍ମ ପ୍ରଯୋଜକ ତାଙ୍କ ଭ୍ୟାନ ଭିତରକୁ ଆସି ତାଙ୍କ ସହ ଅସଦାଚରଣ କରିଥିବା ସେ ଅଭିଯୋଗ କରିଛନ୍ତି । ଦୀପାବଳି ପୂର୍ବଦିନ ଏହି ଘଟଣା ଘଟିଥିବା ସେ କହିଛନ୍ତି।

ସେପଟେ ଏହି ଅଭିଯୋଗକୁ ଖଣ୍ଡନ କରିଛନ୍ତି ପ୍ରଯୋଜକ ମହେନ୍ଦ୍ର । ସେ କହିଛନ୍ତି, ଦୀପାବଳି ପୂର୍ବଦିନ ତଥା ୧୩ ତାରିଖ ଦିନ ରାତିରେ ଫିଲ୍ମ ଶୁଟିଂ ଚାଲିଥିଲା। କିନ୍ତୁ ମନ୍ଦନା ତାଙ୍କ ସିଫ୍ଟ ପୂରଣ ହେବାର ଏକ ଘଂଟା ପୂର୍ବରୁ ନିଜ ଭ୍ୟାନିଟି ଭିତରକୁ ଚାଲିଯାଇଥିଲେ ।  ଏହାପରେ ସେ ମନ୍ଦନାଙ୍କୁ ଶୁଟିଂ ଶେଷ କରିବାକୁ ଆଉ ୧୫ ମିନିଟ୍ ସମୟ ଦେବାକୁ ଅନୁରୋଧ କରିଥିଲେ । କିନ୍ତୁ ସେ(ମନ୍ଦନା) ରାଜି ହୋଇନଥିଲେ । ଫଳରେ ରାଗି ଯାଇ ମୁଁ ତାଙ୍କ ଉପରେ ଚିଲ୍ଲେଇ ଦେଇଥିଲି ବୋଲି ମହେନ୍ଦ୍ର କହିଛନ୍ତି ।

ସୂଚନା ଯୋଗ୍ୟ ଯେ , ମନ୍ଦନା କରିମ ‘ଭାଗ ଜନି’ ଏବଂ ‘ମେଁ ଔର ଚାର୍ଲସ’ ଭଳି ବଲିଉଡ ଫିଲ୍ମରେ କାମ କରିଛନ୍ତି । ଆଗକୁ ତାଙ୍କର  ‘କୋକା କୋଲା’ ଫିଲ୍ମ ଆସୁଛି । ଏଥିରେ ମନ୍ଦନାଙ୍କ ସହ ସନ୍ନି ଲିଓନି ମଧ୍ୟ ପ୍ରମୁଖରେ ଭୂମିକାରେ ନଜର ଆସିବେ ।

The post ଅସଦାଚରଣ ଅଭିଯୋଗ ଆଣିଲେ ବିଗ୍ ବସ୍ ଫେମ୍ ଅଭିନେତ୍ରୀ appeared first on Odisha Reporter.

from Odisha Reporter https://ift.tt/2Hr1TFP