ବିଜୟ ନେଇ ପୁଣି ଦୃଢ଼ୋକ୍ତି କଲେ ବାଇଡେନ

ୱିଲିମିଙ୍ଗଟନ: ଆମେରିକା ନିର୍ବାଚନ ଫଳାଫଳକୁ ନେଇ ଉତ୍କଣ୍ଠା ବଢ଼ିବାରେ ଲାଗିଛି। ନିର୍ବାଚନ ସରିବାକୁ ଇତି ମଧ୍ୟରେ ୩ ଦିନ ବିତି ଯାଇଥିଲେ ହେଁ ଭୋଟ ଗଣତି ଜାରି ରହିଛି। ବର୍ତ୍ତମାନ ସୁଦ୍ଧା ଶେଷ ହୋଇଥିବା ଗଣତି ଅନୁଯାୟୀ, ଡେମୋକ୍ରାଟ ପ୍ରାର୍ଥୀ ଜୋ ବାଇଡେନ ଆଗରେ ରହିଛନ୍ତି। ହେଲେ ଶେଷ ମୁହୂର୍ତ୍ତରେ ବାଜି ଓଲଟିବାର ଯଥେଷ୍ଟ ସମ୍ଭାବନା ରହିଛି।

ଚୂଡ଼ାନ୍ତ ରେଜଲ୍ଟ ପୂର୍ବରୁ ବାଇଡେନ ଆଜି ପୁଣିଥରେ ବିଜୟ ନେଇ ଦମ୍ଭୋକ୍ତି ପ୍ରକାଶ କରିଛନ୍ତି। ସେ କହିଛନ୍ତି, ବର୍ତ୍ତମାନ ସ୍ଥିତି ଆମକୁ ଆନନ୍ଦ ଦେଉଛି। ଗଣତି ଶେଷ ହେଲେ ମୁଁ ଓ ସିନେଟର କମଳା ହାରିସ ବିଜେତା ଘୋଷଣା ହେବୁ। ଏଥିରେ କୌଣସି ହେଲେ ବି ସନ୍ଦେହ କିମ୍ବା ଦ୍ୱନ୍ଦ୍ୱ ନାହିଁ। ଭୋଟରମାନେ ଧୈର୍ଯ୍ୟ ରଖନ୍ତୁ। ଖୁବଶୀଘ୍ର ଚୂଡ଼ାନ୍ତ ରେଜଲ୍ଟ ପ୍ରକାଶ ପାଇବ। ଏହି ନିର୍ବାଚନରେ ଡ୍ରମୋକ୍ରାଟ ଦଳ ନିଶ୍ଚିତ ଭାବେ ବିଜୟ ହେବ ବୋଲି ସେ ଦୃଢ଼ୋକ୍ତି କରିଛନ୍ତି।

ଆମେରିକାର ରାଷ୍ଟ୍ରପତି ହେବାକୁ ହେଲେ ଜଣେ ପ୍ରାର୍ଥୀଙ୍କୁ ୨୭୦ଟି ଇଲେକ୍ଟ୍ରୋରାଲ ଭୋଟ ଦରକାର। ବର୍ତ୍ତମାନ ବାଇଡେନ ୨୬୪ଟି ଓ ଟ୍ରମ୍ପ ୨୧୪ଟି ଇଲେକ୍ଟ୍ରୋରାଲ ଭୋଟ ପାଇଛନ୍ତି।

The post ବିଜୟ ନେଇ ପୁଣି ଦୃଢ଼ୋକ୍ତି କଲେ ବାଇଡେନ appeared first on Odisha Reporter.

from Odisha Reporter https://ift.tt/2GvX2CC