ଭୁବନେଶ୍ୱର(ଓଡ଼ିଶା ରିପୋର୍ଟର): ଆଜିଠୁ ଜୋରଦାର ହେବ ଟିକାକରଣ । ଦିନକର ବିରତି ପରେ ପୁଣି ଥରେ ରାଜ୍ୟରେ ବ୍ୟାପକ ହେବ କୋଭିଡ୍ ଟିକାକରଣ । ଦୈନିକ ଅଧିକ ସଂଖ୍ୟକ ସ୍ୱାସ୍ଥ୍ୟକର୍ମୀଙ୍କୁ ଟିକା ଦେବାକୁ ଯୋଜନା କରାଯାଇଛି । ସମସ୍ତ ମେଡିକାଲ୍ କଲେଜ୍ରେ ୫ଟି ସେସନ ସାଇଟ୍ରେ ହେବ ଟିକାକରଣ । ପ୍ରତି ସେସନରେ ୨ଶହ ଜଣଙ୍କୁ ଟିକା ଦିଆଯିବ । ସେହିପରି ଜିଲ୍ଲା ମୁଖ୍ୟ ଚିକିତ୍ସାଳୟ ସହ ଉପଖଣ୍ଡ ଚିକିତ୍ସାଳୟରେ ଟିକାକରଣ ଲାଗି ଦୁଇଟି ସେସନ କରାଯିବ ।
ପ୍ରତି ସେସନରେ ଶହେ ଜଣ ଲେଖାଏଁ ଲୋକଙ୍କୁ ଟିକା ଦିଆଯିବ । ଜିଲ୍ଲା ମୁଖ୍ୟ ଚିକିତ୍ସାଳୟ ଓ ଉପଖଣ୍ଡ ଚିକିତ୍ସାଳୟରେ ଦିନକୁ ୨ ଶହ ଜଣଙ୍କୁ ଟିକାକରଣ କରାଯିବ । ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଓ ସହରାଞ୍ଚଳ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଗୋଟିଏ ଲେଖାଏଁ ସେସନ୍ କରାଯିବ । ପ୍ରତି ସେସନରେ ଶହେ ଜଣଙ୍କୁ ଟିକା ଦିଆଯିବ । ଆଜିଠୁ ପ୍ରତି କେନ୍ଦ୍ରରେ ୬ ଜଣ ଭ୍ୟାକସିନ୍ ଇନଚାର୍ଜ ରହିବେ । ପିଏଚ୍ସି ଓ ସିଏଚ୍ସିରେ ପୂର୍ବ ନିର୍ଦ୍ଧାରିତ ନିୟମ ଅନୁସାରେ ଟିକାକରଣ ହେବ ।
ଆଜି ସାରା ରାଜ୍ୟରେ ୩୧ ହଜାର ୯୦୨ ଜଣଙ୍କୁ ଟିକା ଦିଆଯିବାକୁ ଲକ୍ଷ୍ୟ ରଖାଯାଇଛି । ଆଜି ଟିକାକରଣ ଲାଗି ରାଜ୍ୟରେ ୩୮୦ଟି ସେସନ୍ କରାଯାଇଛି । ଭୁବନେଶ୍ୱରରେ ୩୯ଟି ସେସନ୍ ଯୋଜନା କରାଯାଇଛି ।
ଗତ ଶନିବାର ରାଜ୍ୟରେ ୧୩ ହଜାର ୯୮୦ ଜଣଙ୍କୁ ଟିକା ଦିଆଯାଇଛି । ଆସନ୍ତା ୨୫ ତାରିଖ ସୁଦ୍ଧା ସାରା ରାଜ୍ୟରେ ୩ ଲକ୍ଷ ୨୮ ହଜାର ସ୍ୱ୍ୟାସ୍ଥ୍ୟକର୍ମୀଙ୍କୁ ଟିକା ଦିଆଯିବାକୁ ଲକ୍ଷ୍ୟ ରଖାଯାଇଛି ।
The post ଆଜିଠୁ ପୁଣି ଜୋରଦାର ହେବ ଟିକାକରଣ, ପ୍ରତି କେନ୍ଦ୍ରରେ ୬ ଭ୍ୟାକସିନ୍ ଇନଚାର୍ଜ appeared first on Odisha Reporter.
from Odisha Reporter https://ift.tt/2KnwSnx
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment