ବିଦାୟ ଅଭିଭାଷଣରେ କ’ଣ କହିଲେ ଟ୍ରମ୍ପ?

ୱାଶିଂଟନ୍: ଆମେରିକାର ବିଦାୟୀ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ନିଜ କାର୍ଯ୍ୟାଳୟର ଶେଷଦିନରେ ନବନିର୍ବାଚିତ ରାଷ୍ଟ୍ରପତି ଜୋ ବାଇଡେନ ସରକାରଙ୍କୁ ଶୁଭକାମନା ଜଣାଇଛନ୍ତି। ହେଲେ ଟ୍ରମ୍ପ ନିଜର ବିଦାୟ ଭାଷଣରେ ବାଇଡେନଙ୍କୁ ବ୍ୟକ୍ତିଭାବେ ପ୍ରଶଂସା କରିବାରେ ସାମାନ୍ୟ କଞ୍ଜୁସି ଦେଖାଇଛନ୍ତି। ପାଖାପାଖି ୨୦ ମିନିଟର ଏକ ପ୍ରିରେକର୍ଡିଂ ବାର୍ତ୍ତା ଦ୍ୱାରା ଟ୍ରମ୍ପ ନିଜ ସମୟର ରାଷ୍ଟ୍ରପତି କାର୍ଯ୍ୟକାଳକୁ ‘ଅସାଧାରଣ ବିଶେଷାଧିକାର’ କହିଛନ୍ତି।

ନୂଆ ସରକାରକୁ ଶୁଭକାମନା ଦେଇ ଟ୍ରମ୍ପ କହିଛନ୍ତି, ଏବେ ଆମକୁ ନୂଆ ସରକାର ମିଳିବାକୁ ଯାଉଛି। ଆମେ ବାଇଡେନ୍ ସରକାରଙ୍କର ସଫଳତା କାମନା କରୁଛୁ ଏବଂ ଆମେ ଚାହୁଁଛୁ ସେମାନେ ଆମେରିକାକୁ ସୁରକ୍ଷିତ ଓ ସମୃଦ୍ଧ ରଖନ୍ତୁ। ଏବେ ମୁଁ ନୂଆ ପ୍ରଶାସନକୁ କ୍ଷମତା ହସ୍ତାନ୍ତର କରିବାକୁ ଯାଉଛି। କିନ୍ତୁ ଏହା ପୂର୍ବରୁ ମୁଁ ସମସ୍ତଙ୍କୁ କହିଦେବାକୁ ଚାହୁଁଛି ଯେ ଆମେ ଯେଉଁ ଆନ୍ଦୋଳନ ଆରମ୍ଭ କରିଥିଲୁ ତାହା ଜାରି ରହିବ। ଏହା କେବଳ ଆରମ୍ଭ ମାତ୍ର।

We imposed historic and monumental tariffs on China; made a great new deal with China… Our trade relationship was rapidly changing, billions and billions of dollars were pouring into the US, but the virus forced us to go in a different direction: US President Donald Trump https://t.co/aLjO1qG0FW

— ANI (@ANI) January 19, 2021

କ୍ୟାପିଟାଲ୍ ହିଲରେ ନିଜ ସମର୍ଥକଙ୍କ ଦ୍ୱାରା ହୋଇଥିବା ହିଂସାକୁ ଟ୍ରମ୍ପ ନିନ୍ଦା କରିଛନ୍ତି। ଏ ନେଇ ଟ୍ରମ୍ପ କହିଛନ୍ତି, ‘କ୍ୟାପିଟାଲ୍ ଆକ୍ରମଣକୁ ନେଇ ସବୁ ଆମେରିକୀୟ ଭୟଭୀତ ଥିଲେ। ରାଜନୀତିକ ହିଂସାକୁ କେବେବି ଗ୍ରହଣ କରାଯାଇପାରିବ ନାହିଁ। ଟ୍ରମ୍ପ ମଧ୍ୟ ନିଜ ସରକାରର ଉପଲବ୍ଧି ଉପରେ ଚର୍ଚ୍ଚା କରି କହିଛନ୍ତି, ଆମେ ଗର୍ବିତ ଯେ ଦଶନ୍ଧିରେ ଏଭଳି ଜଣେ ରାଷ୍ଟ୍ରପତି ନିର୍ବାଚିତ ହୋଇଥିଲେ, ଯିଏ କେବେବି ଯୁଦ୍ଧର ଶୁଭାରମ୍ଭ କରିନାହାନ୍ତି।’ ସୂଚନାଯୋଗ୍ୟ, ଜାନୁଆରୀ ୬ ତାରିଖରେ ହୋଇଥିବା ହିଂସା ପରେ ସୋଶାଲ ମିଡିଆ ପ୍ଲାଟଫର୍ମ ଟ୍ରମ୍ପଙ୍କୁ ବ୍ୟାନ୍ କରିଥିଲା। ଏହାକୁ ନେଇ ମଧ୍ୟ ଖୁବ୍ ବିବାଦ ଦେଖାଦେଇଥିଲା।

ଦୁନିଆର ସବୁଠାରୁ ଶକ୍ତିଶାଳୀ ଦେଶ ଆମେରିକା ବୁଧବାର ଆନୁଷ୍ଠାନିକ ଭାବେ କ୍ଷମତାରେ ଥିବା ରିପବ୍ଲିକାନ୍ ଠାରୁ ଡେମେକ୍ରାଟିକ୍ ପାର୍ଟି ହାତକୁ ଚାଲିଯିବ। ନବନିର୍ବାଚିତ ରାଷ୍ଟ୍ରପତି ଜୋ ବାଇଡେନ୍ ବୁଧବାର ଆମେରିକାର ୪୬ତମ ରାଷ୍ଟ୍ରପତି ଭାବେ ଶପଥ ନେବେ। ଶପଥ ଗ୍ରହଣ ସମାରୋହ ପାଇଁ ସୁରକ୍ଷାକୁ କଡ଼ାକଡ଼ି କରାଯାଇଛି।

The post ବିଦାୟ ଅଭିଭାଷଣରେ କ’ଣ କହିଲେ ଟ୍ରମ୍ପ? appeared first on Odisha Reporter.

from Odisha Reporter https://ift.tt/38ZdRRW