ଆଜି ମୁକୁଳିବେ ଶଶିକଳା

ଚେନ୍ନାଇ: ମୁକ୍ତି ପାଇବେ ଶଶିକଳା। ପ୍ରାୟ ୪ ବର୍ଷ ପରେ ଆଜି ଜେଲରୁ ମୁକୁଳିବେ ଏଆଇଡିଏମକେର ପୂର୍ବତନ ନେତ୍ରୀ ଶଶିକଳା। ସେ ଆୟବହିର୍ଭୂତ ସମ୍ପତି ଠୁଳ ମାମଲାରେ ବେଙ୍ଗଳୁରୁର ଏକ ଜେଲରେ ସଜା କଟୁଛନ୍ତି।

ତାମିଲନାଡୁର ପୂର୍ବତନ ମୁଖ୍ୟମନ୍ତ୍ରୀ ଜେ.ଜୟଲଳିତାଙ୍କ ଅତି ବିଶ୍ୱସ୍ତ ତଥା ତାମିଲବାସୀଙ୍କ ପାଖରେ ଚିନ୍ନମ୍ମା ଭାବେ ପରିଚିତ ଭି.କେ ଶଶୀକଳା ବର୍ତ୍ତମାନ ମେଡିକାଲରେ ଚିକିତ୍ସିତ ହେଉଛନ୍ତି।  ହଠାତ୍ ଥଣ୍ଡା ଓ ଜ୍ୱରରେ ଅସୁସ୍ଥ ହୋଇପଡିବା ପରେ ତାଙ୍କୁ ମେଡିକାଲରେ ଭର୍ତ୍ତି କରାଯାଇଥିଲା। ଗତ୨୦ ଜାନୁଆରୀରେ  ପରୀକ୍ଷା ପରେ ଶଶୀକଳା କୋଭିଡ଼ରେ ସଂକ୍ରମିତ ଥିବା ଜଣାପଡିଥିଲା।

ସ୍ୱାସ୍ଥ୍ୟବସ୍ଥା ଗୁରୁତର ହୋଇପଡିବାରୁ ଆଇସିୟୁରେ ତାଙ୍କର ଚିକିତ୍ସା କରାଯାଇଥିଲା।  ଏବେ ସେ ସୁସ୍ଥ ଥିବା ଡାକ୍ତର କହିଛନ୍ତି। ତେବେ ତାଙ୍କୁ ହସ୍ପିଟାଲରୁ କେବେ ଡିସଚାର୍ଜ କରାଯିବ ସେ ନେଇ କିଛି ସୂଚନା ମିଳିନାହିଁ।  ସେପଟେ ଆଜି ଚେନ୍ନାଇର ମାରିନା ବିଚରେ ପୂର୍ବତନ ମୁଖ୍ୟମନ୍ତ୍ରୀ ଜେ.ଜୟଲଳିତାଙ୍କ ପ୍ରତିମୂର୍ତ୍ତି ଉନ୍ମୋଚନ ହେବ।

The post ଆଜି ମୁକୁଳିବେ ଶଶିକଳା appeared first on Odisha Reporter.

from Odisha Reporter https://ift.tt/39mhYI8