ନିର୍ବାଚନୀ ହିଂସା, ଟିଏମସି କର୍ମୀଙ୍କୁ ହତ୍ୟା ଅଭିଯୋଗ

କୋଲକାତା: ପଶ୍ଚିମବଙ୍ଗରେ ବିଧାନସଭା ନିର୍ବାଚନ ପାଇଁ ମତଦାନ ଯେତେ ପାଖଉଛି ହିଂସା ସେତେ ଅଧିକ ହେଉଥିବା ଦେଖିବାକୁ ମିଳିଛି। ଝାରଗ୍ରାମରେ ଜଣେ ଟିଏମସି କର୍ମୀଙ୍କୁ ହତ୍ୟା ହୋଇଥିବା ଅଭିଯୋଗ ଆସିଛି। ଆହତ ଅବସ୍ଥାରେ ଟିଏମସି କର୍ମୀଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା ହେଲେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି। ବିଜେପି କର୍ମୀଙ୍କ ଆକ୍ରମଣ ଯୋଗୁଁ ଟିଏମସି କର୍ମୀ ପ୍ରାଣ ହରାଇଥିବା ଅଭିଯୋଗ ହୋଇଛି। ହିଂସା ସମ୍ଭାବନାକୁ ନଜରରେ ରଖି ଝାରଗ୍ରାମରେ ପୁଲିସ ଫୋର୍ସ ମୁତୟନ କରାଯାଇଛି। ଏହାର କିଛିଦିନ ପୂର୍ବରୁ ପଶ୍ଚିମବଙ୍ଗର ବୀରଭୂମରେ ଜଣେ ବିଜେପି କର୍ମୀ ହତ୍ୟାର ଶିକାର ହୋଇଥିଲେ। ସେତେବେଳେ ଟିଏମସି କର୍ମଚାରୀଙ୍କ ନାଁରେ ହତ୍ୟା ଅଭିଯୋଗ ଆସିଥିଲା।

ଇଲମବାଜରରେ ଏହି ବିଜେପି କର୍ମୀଙ୍କ ମୃତଦେହ ମିଳିଥିଲା। ଏହାପରେ ବିଜେପି ଏବଂ ଟିଏମସି କର୍ମୀ ମୁହାଁମୁହିଁ ହୋଇଥିଲେ। ଏବେ ଟିଏମସି କର୍ମୀ ହତ୍ୟାର ଶିକାର ହେବା ପରେ ଉଭୟ ପକ୍ଷ ପୁଣି ଥରେ ମୁହାଁମୁହିଁ ହୋଇଛନ୍ତି।

ନିର୍ବାଚନରେ ​​ଜିତିବା ପାଇଁ ବିଜେପି ଏବଂ ଟିଏମସି ସମସ୍ତ ପ୍ରକାର ପ୍ରୟାସ କରୁଛନ୍ତି। ଉଭୟ ଦଳ କୌଣସି ସୁଯୋଗକୁ ହାତ ଛଡ଼ା କରିବାକୁ ଚାହୁଁ ନାହାଁନ୍ତି। ରବିବାର ବିଜେପି ପଶ୍ଚିମବଙ୍ଗ ନିର୍ବାଚନ ପାଇଁ ନିଜର ସଂକଳ୍ପ ପତ୍ର ଜାରି କରିଛି। ଯଦି ବିଜେପି କ୍ଷମତାକୁ ଆସିବ ତାହେଲେ ସମସ୍ତ ହତ୍ୟା ଘଟଣାର ଏସଆଇଟି ତଦନ୍ତ ହେବ ବୋଲି କହିଛି। ଏମିତିକି ମୃତକଙ୍କ ପରିବାରକୁ ଆର୍ଥିକ ସହାୟତା ଯୋଗାଇ ଦେବ ବୋଲି ବିଜେପି ସଂକଳ୍ପପତ୍ରରେ କହିଛି।

The post ନିର୍ବାଚନୀ ହିଂସା, ଟିଏମସି କର୍ମୀଙ୍କୁ ହତ୍ୟା ଅଭିଯୋଗ appeared first on Odisha Reporter.

from Odisha Reporter https://ift.tt/2OUiXHW