ଆସାମରେ ବଡ଼ଧରଣର ଭୂକମ୍ପ, ଥରିଲା ବେଙ୍ଗଲ

ନୂଆଦିଲ୍ଲୀ: ସକାଳୁ ସକାଳୁ ବଡ଼ଧରଣର ଭୂକମ୍ପ ଝଟକାରେ ଥରିଛି ସମଗ୍ର ଆସାମ। ଏହାର ପ୍ରଭାବ ଉତ୍ତର ବେଙ୍ଗଲ ଓ ଉତ୍ତରପୂର୍ବ ଭାରତର କିଛି ସ୍ଥାନରେ ମଧ୍ୟ ଅନୁଭୂତ ହୋଇଛି। ରିକ୍ଟର ସ୍କେଲରେ ଭୂକମ୍ପର ତୀବ୍ରତା ୬.୪ ଥିବାରୁ କ୍ଷୟକ୍ଷତିର ଆଶଙ୍କା ପ୍ରକାଶ ପାଇଛି। ଏଯାଏ ମୃତାହତଙ୍କ ସୂଚନା ମିଳି ନଥିଲ ହେଁ ବିଭିନ୍ନ ସ୍ଥାନରେ ଲୋକମାନେ ଝଟକା ପରେ ଘରୁ ପଦାକୁ ଆସି ଖୋଲା ସ୍ଥାନରେ ଦୀର୍ଘ ସମୟ ଧରି ଛିଡ଼ା ହୋଇଥିବା ଦେଖିବାକୁ ମିଳିଛି।

ନ୍ୟାଶନାଲ ସେଣ୍ଟର ଅଫ ସେଇସମୋଲଜି ପକ୍ଷରୁ ମିଳିଥିବା ସୂଚନା ଅନୁଯାୟୀ, ଆସାମର ତେଜପୁର ଠାରେ ୬.୪ ତୀବ୍ରତାର ଭୂକମ୍ପ ସୃଷ୍ଟି ହୋଇଛି। ଭୂକମ୍ପର ପ୍ରଥମ ଝଟକା ସମଗ୍ର ଆସାମବାସୀ ସକାଳ ୭.୫୧ରେ ଅନୁଭବ କରିଥିଲେ। ଭୂକମ୍ପର କେନ୍ଦ୍ର ସ୍ଥଳ ତେଜପୁର ଠାରୁ ୪୩ କିମି ଦୂର।

This is the first visual of the after-effects of the massive Earthquake in Assam. pic.twitter.com/dPYyKsSsXm

— atanu bhuyan (@atanubhuyan) April 28, 2021

୬.୪ ତୀବ୍ରତାର ଭୂକମ୍ପ ଝଟକା ପରେ ଦୁଇଟି ଛୋଟ ଛୋଟ ଝଟକା ଲୋକମାନେ ଅନୁଭବ କରିଥିଲେ। ପ୍ରଥମ ଝଟକା ୭.୫୫ ମିନିଟ ଓ ଦ୍ୱିତୀୟ ଝଟକା ଏହାର ଆଉ କିଛି ସମୟ ପରେ ସୃଷ୍ଟି ହୋଇଥିଲା। ବଡ଼ଧରଣର ଭୂକମ୍ପ ଯୋଗୁ ଆସାମର ଏକାଧିକ ବିଲଡିଂରେ ଫଟା ଚିହ୍ନ ଦେଖିବାକୁ ମିଳିଛି। କିଛି ସ୍ଥାନରେ ଘର ଭାଙ୍ଗି ଯାଇଥିବା ଭିଜୁଆଲ ଆସିଛି। ଆସାମର ମନ୍ତ୍ରୀ ହିମନ୍ତ ବିଶ୍ୱଶମ୍ବା ମଧ୍ୟ ଟ୍ୱିଟ କରି ଭୂକମ୍ପ ଝଟକା ବିଷୟରେ ଅବଗତ କରାଇଛନ୍ତି।

Just experienced a massive earthquake in Assam. Waiting for details

— Himanta Biswa Sarma (@himantabiswa) April 28, 2021

ଉତ୍ତର ବେଙ୍ଗଲର ଦାର୍ଜିଲିଂ ମଧ୍ୟ ଭୂକମ୍ପରେ ଥରିଛି। ଏଠାରେ ଲୋକମାନେ ଝଟକା ପରେ ଘରୁ ବାହାରି ଯାଇ ଖୋଲା ସ୍ଥାନରେ ଛଡ଼ା ହୋଇଥିବା ଫଟୋ ସାମ୍ନାକୁ ଆସିଛି। ଅରୁଣାଚଳ ପ୍ରଦେଶର ଇଟାନଗରରେ ଭୂକମ୍ପ ଯୋଗୁ ଲୋକଙ୍କ ମନରେ ଭୟ ସୃଷ୍ଟି ହୋଇଛି।

ଆଇପିଏସ୍‌ ଅଫିସର ମଧୁର ବର୍ମା ଟ୍ୱିଟ କରି କହିଛନ୍ତି, “ଅରୁଣାଚଳ ପ୍ରଦେଶର ଇଟାନଗରରେ ବଡ଼ଧରଣର ଭୂକମ୍ପ ଝଟକା ଅନୁଭୂତ ହୋଇଛି। ପୂରା ଘର ୩୦ ସେକେଣ୍ଡ ଧରି ଥରିବାକୁ ଲାଗିଥିଲା। ଅବଶ୍ୟ କୌଣସି କ୍ଷୟକ୍ଷତି ହୋଇନାହିଁ। ସମସ୍ତଙ୍କ ସୁରକ୍ଷା ପାଇଁ ପ୍ରାର୍ଥନା କରୁଛି।”

Felt this Massive #Earthquake here in Itanagar, Arunachal Pradesh. The whole house vibrated for more then 30 seconds. Though didn’t cause any damage. Praying for safety of all.

— Madhur Verma (@IPSMadhurVerma) April 28, 2021

The post ଆସାମରେ ବଡ଼ଧରଣର ଭୂକମ୍ପ, ଥରିଲା ବେଙ୍ଗଲ appeared first on Odisha Reporter.

from Odisha Reporter https://ift.tt/3nrFtEQ