ଯାଜପୁର(ଗୁଲାମ ଗସ୍): ଯାଜପୁର ସଦର ଥାନା ଅନ୍ତର୍ଗତ ଜାହାନପୁର ପଂଚାୟତର କପିଳେଶ୍ୱର ଗ୍ରାମରେ ଥିବା ଏକ ପୋଖରୀରୁ ଏକ କଙ୍କାଳ ଠାବ କରାଯାଇଛି। ଏହି କଙ୍କାଳଟି କାହାର ବୋଲି ଜଣାପଡ଼ିନାହିଁ। କିନ୍ତୁ ବେକରେ ଏକ ଓଢଣୀ ବନ୍ଧା ଯାଇଥିବାରୁ ଏହା ଏକ ହତ୍ୟାକାଣ୍ଡ ବୋଲି ଅନୁମାନ କରାଯାଉଛି।
ଖବର ପାଇ ଆଡିସନାଲ ଏସ୍ପିଙ୍କ ସମେତ ସଦର ପୁଲିସ୍ ଘଟଣାସ୍ଥଳରେ ପହଞ୍ଚି ଅନୁସନ୍ଧାନ ଆରମ୍ଭ କରିଛନ୍ତି । ହେଲେ ମୃତଦେହ ପୁରୁଷ କିମ୍ବା ମହିଳାଙ୍କର ସ୍ପଷ୍ଟ ହୋଇ ପାରି ନ ଥିବା ବେଳେ ଏଥିନିମନ୍ତେ ସାଇଣ୍ଟିଫିକ୍ ଟିମ୍କୁ ଡକାଯାଇଥିବା ପୁଲିସ୍ ପକ୍ଷରୁ କୁହାଯାଇଛି।
ଅପରପକ୍ଷେ, ଯାଜପୁର ଟାଉନ ଥାନାରେ ଜଣେ ମହିଳା ନିଜ ଝିଅ ନିଖୋଜ ନେଇ ୬ ମାସ ପୂର୍ବେ ଅଭିଯୋଗ କରିଥିଲେ। କୁମାର ପୂର୍ଣ୍ଣିମା ପରଠୁ ମହିଳାଙ୍କ ଝିଅ ଜଣେ ଯୁବକ ସହ ଫେରାର ହୋଇଯାଇଥିବା ସେ ନିଜ ଅଭିଯୋଗରେ ଉଲ୍ଲେଖ କରିଥିଲେ। ମାତ୍ର ସେବେଠୁ ସେ ଝିଅର ପତ୍ତା ପାଉ ନାହାନ୍ତି। ତେଣୁ ଉକ୍ତ କଙ୍କାଳ ତାଙ୍କ ଝିଅର ହୋଇଥାଇପାରେ ବୋଲି ମହିଳାଜଣକ ପୁଲିସ୍କୁ ଜଣାଇଛନ୍ତି।
ପ୍ରାୟ ୮ରୁ ୧୦ ଦିନ ପୂର୍ବରୁ କେହି ହତ୍ୟା କରି ମୃତଦେହ ସେଠାରେ ଫୋପାଡ଼ି ଦେଇଥିବା ଗ୍ରାମବାସୀ ଅନୁମାନ କରୁଛନ୍ତି। ଆଜି ହଠାତ୍ ଦୁର୍ଗନ୍ଧ ହେବାରୁ ଖୋଜାଖୋଜି କରି ସେମାନେ କଙ୍କାଳ ପାଇ ପୁଲିସ୍କୁ ଖବର ଦେଇଥିଲେ। ।
ସାଇଣ୍ଟିଫିକ୍ ଟିମ୍ ତଦନ୍ତରୁ ମୃତଦେହଟି କାହାର ଓ କିପରି ମୃତ୍ୟୁ ହେଲା ସ୍ପଷ୍ଟ ହେବ ବୋଲି ଅନୁମାନ କରାଯାଉଛି।
The post ପୋଖରୀରୁ ଠାବ ହେଲା କଙ୍କାଳ, ବେକରେ ଲାଗିଛି ଓଢଣୀ appeared first on Odisha Reporter.
from Odisha Reporter https://ift.tt/3t6gt8o
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment