ମଝି ଆକାଶରେ ବାନ୍ଧିଲେ ମଙ୍ଗଳସୂତ୍ର

ଚେନ୍ନାଇ: ମଝି ଆକାଶରେ ପିନ୍ଧାଇଲେ ଫୁଲ ମାଳ । ବାନ୍ଧିଲେ ମଙ୍ଗଳସୂତ୍ର । ହାତକୁ ଦି ହାତ ହେଲେ ବର-କନ୍ୟା । ବିମାନ ଭିତରେ ହେଲା ବିବାହ । ତାମିଲନାଡୁର ମଦୁରାଇରେ ଦେଖିବାକୁ ମିଳିଛି କିିଛି ଏଭଳି ନିଆରା ବିବାହ । କରୋନା ପ୍ରତିବନ୍ଧକକୁ ଦେଖି ଆକାଶ ବିବାହ କରିଛନ୍ତି ଦମ୍ପତି । ଯାହାର ଭିଡିଓ ଏବେ ସୋଶାଲ ମିଡିଆରେ ଭାଇରାଲ ହେବାରେ ଲାଗିଛି ।
ସାରା ଦେଶ ଏବେ ମହାମାରୀ କରୋନା ସହ ଲଢ଼ୁଛି । ଦେଶର ଅନେକ ରାଜ୍ୟରେ ଲକଡାଉନ୍ ମଧ୍ୟ ଲାଗୁ ହୋଇଛି । ଏଥିପାଇଁ ଲୋକଙ୍କୁ ଅନେକ ସମସ୍ୟାର ସମ୍ମୁଖୀନ ହେବାକୁ ପଡୁଛି । ଲୋକଙ୍କ ସମସ୍ତ ଜରୁରୀ କାର୍ଯ୍ୟ ସ୍ଥଗିତ ହୋଇଯାଇଛି । ବ୍ୟବସାୟ ଠାରୁ ଆରମ୍ଭ କରି ଚାରିକି ଏବଂ ବିବାହ । ଲକଡାଉନକୁ ଦୃଷ୍ଟିରେ ରଖି ପୃଥୀବି ଛାଡି ଆକାଶରେ ବିବାହ କରିବା ପାଇଁ ମନସ୍ଥ କରିଥିଲେ ମଦୁରାଇର ବର-କନ୍ୟା ।
ମଦୁରାଇରେ ବାସ କରୁଥିବା ରାକେଶ ଓ ଦିକ୍ଷା ଚାଟାର୍ଡ ପ୍ଲେନ ଭିତରେ ବିବାହ କରିଛନ୍ତି । ଏ ଦୁହେଁ ଏକ ବିମାନକୁ ଭଡାରେ ନେଇ ୧୩୦ ଜଣ ବନ୍ଧୁ ବାନ୍ଧକ ଓ ନିକଟ ସମ୍ପର୍କିୟଙ୍କ ସହ ମିଶି ବମାନ ଭିତରେ ମଝି ଆକାଶରେ ହିଁ ଗତ ଦୁଇ ଦିନ ତଳେ ବିବାହ କରିଛନ୍ତି । ତେବେ ବିବାହ ପୂର୍ବରୁ ସମସ୍ତଙ୍କ ଆର୍‌ଟିପିସିଆର୍ ଟେଷ୍ଟ କରାଯାଇଥିବା ଏବଂ ତାଙ୍କ ରିପୋର୍ଟ ନେଗେଟିଭ ଆସିଥିବା ଏହି ନବ ବିବାହିତ ଦମ୍ପତି ଦାବି କରିଛନ୍ତି ।
ନବ ଦମ୍ପତି ଏଭଳି ନିଆରା ବିବାହର ଭିଡିଓ ଏବେ ଚାରିଆଡେ ଚର୍ଚ୍ଚାର ବିଷୟ ପାଲଟିଛି । ଏଥିସହ ସୋଶାଲ ମିଡିଆରେ ମଧ୍ୟ ଏହି ଦମ୍ପତିଙ୍କ ବିବାହର ଭିଡିଓ ଟ୍ରେଣ୍ଡ କରିବାରେ ଲାଗିଛି । ସୂଚନା ମୁତାବକ ତାମିଲନାଡୁରେ ବଢ଼ୁଥିବା କରୋନା ମାମଲାକୁ ଦୃଷ୍ଟିରେ ରଖି ମୁଖମନ୍ତ୍ରୀ ଷ୍ଟାଲିନ ୨୪ ମେ୩ରୁ ୩୧ ଯାଏ ୭ ଦିନିଆ ସମ୍ପୂର୍ଣ୍ଣ ଲକଡାଉନ ଘୋଷଣା କରିଛନ୍ତି ।

Rakesh-Dakshina from Madurai, who rented a plane for two hours and got married in the wedding sky. Family members who flew from Madurai to Bangalore after getting married by SpiceJet flight from Bangalore to Madurai. #COVID19India #lockdown @TV9Telugu #weddingrestrictions pic.twitter.com/9nDyn3MM4n

— DONTHU RAMESH (@DonthuRamesh) May 23, 2021

The post ମଝି ଆକାଶରେ ବାନ୍ଧିଲେ ମଙ୍ଗଳସୂତ୍ର appeared first on Odisha Reporter.

from Odisha Reporter https://ift.tt/3feOej5