ନୂଆପଡ଼ା(ମାୟାଧର ସରାଫ): ବିଲ୍ ପାସ୍ ପାଇଁ ହେଉଥିଲା ପିସି କାରବାର। କାହାର ଭାଗ କେତେ, କିଏ କେତେ ନେବ ସେ ନେଇ ରେଟ ଚାଟ୍ ବି ପ୍ରସ୍ତୁତ ହୋଇଥିଲା। କାଗଜ କଲମରେ ସବୁ ହିସାବ କରିଥିଲେ ୨ ଜେଇ। ଆଉ ଠିକାଦାରଙ୍କୁ ଘରକୁ ଡାକି ଏ ସମ୍ପର୍କୀତ ତାଲିକା ବି ଦେଇଥିଲେ । ହେଲେ ଠିକାଦାରଜଣକ ପୂରା ଘଟଣାର ଭିଡିଓ କରି ତାହାକୁ ଭାଇରାଲ କରିଦେଲେ। ଶେଷରେ ସସପେଣ୍ଡ ହେଲେ ୨ କନିଷ୍ଠ ଯନ୍ତ୍ରୀ। ନୂଆପଡ଼ା ଜିଲ୍ଲା ସିନାପାଲି ବ୍ଲକ୍ରେ ପିସି କାରବାର ଘଟଣାର ଭିଡିଓ ଭାଇରାଲ ହେବା ପରେ ନିଆଯାଇଛି ଏପରି କାର୍ଯ୍ୟାନୁଷ୍ଠାନ । ସସ୍ପେଣ୍ଡ ହୋଇଥିବା ୨ ଜେଇ ହେଲେ ଉପେନ୍ଦ୍ର ତିହାଡ଼ି ଓ ନାରାୟଣ ସାହୁ ।
ଅଭିଯୋଗ ଅନୁସାରେ, ସିନାପାଲି ବ୍ଲକ୍ର କାପସି ଡଙ୍ଗରିପଡ଼ାରେ ପଶ୍ଚିମ ଓଡ଼ିଶା ବିକାଶ ପରିଷଦ ପାଣ୍ଠିରୁ ଏକ କମ୍ୟୁନିଟି ସେଣ୍ଟର ତିଆରି ହୋଇଛି । ପ୍ରକଳ୍ପ ମୂଲ୍ୟ ରହିଛି ୫ ଲକ୍ଷ ଟଙ୍କା । ସେଥିରୁ କିଏ କେତେ ନେବେ ତାହାର ହିସାବ ହୋଇଥିଲା ଜେଇ ଉପେନ୍ଦ୍ର ତିହାଡ଼ିଙ୍କ ଘରେ । ଏଥିନିମନ୍ତେ ଏହି ବୈଠକ ବସିଥିଲା ଏବଂ ସେଠାରେ ରେଟ୍ ଚାଟ୍ ବଖାଣିଥିଲେ ଆଉ ଜଣେ ଜେଇ ନାରାୟଣ ସାହୁ । କାଲକୁଲେଟରରେ ହିସାବକିତାବ ପରେ ଟଙ୍କା ଭାଗବଣ୍ଟା ବି ହୋଇଥିଲା । ସେଠାକୁ ଠିକାଦାର ଗୋପୀନାଥ ହଂସଙ୍କୁ ଘରକୁ ଡାକି ତାଲିକା ଦେବା ବେଳେ, ସେ ହିଁ ଏହି ଭିଡିଓ ରେକର୍ଡ କରିଥିଲେ । ଯେଉଁ ଭିଡ଼ିଓ ସାମ୍ନାକୁ ଆସିବା ପରେ ଭାଇରାଲ୍ ହେବା ସହ ଖୁବ୍ ଚର୍ଚ୍ଚାରେ ଥିଲା।
ଏହାପରେ ଉଭୟଙ୍କୁ ସସ୍ପେଣ୍ଡ କରାଯାଇଥିବା ପିଡି ଡିଆରଡିଏ ସୂଚନା ଦେଇଛନ୍ତି। ଏଥିସହ ପିସି କାରବାରକୁ ରୋକିବାକୁ ଏଥର ସବୁଆଡ଼େ ଅନଲାଇନ୍ ଟ୍ରାନଜାକସନ୍ ହେବ ବୋଲି କହିଛନ୍ତି ।
The post ପିସି କାରବାର ଭାଗବଣ୍ଟା ପାଇଁ ରେଟ ଚାଟ୍ କରୁଥିଲେ ୨ ଜେଇ, ଶେଷରେ… appeared first on Odisha Reporter.
from Odisha Reporter https://ift.tt/3Blpqiw
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment