ଜୟପୁର: “ଆପଣ ଯାହା ବି କଲେ ଲୋକ ଆପଣଙ୍କ ବିଷୟରେ କଥା ହେବେ। ତେଣୁ ଏପରି କିଛି କରନ୍ତୁ, ଯେଉଁଥିରୁ ଆପଣଙ୍କୁ ଖୁସି ମିଳିବ ଓ ଆପଣ ନିଜ ଜୀବନକୁ ଆହୁରି ଭଲ ଭାବେ ବଞ୍ଚିପାରିବେ।”’ବହୁ ଚର୍ଚ୍ଚିତ ଆଇଏଏସ୍ ଯୋଡ଼ି ଟିନା ଡାବି ଓ ଅଥର ଖାନଙ୍କ ମଧ୍ୟରେ ବିବାହ ବିଚ୍ଛେଦ ହୋଇ ସାରିଥିବା ବେଳେ ପ୍ରଥର ଥର ମୁହଁ ଖୋଲି ଟ୍ରୋଲରଙ୍କୁ ଦେଇଛନ୍ତି ଏପରି ମୁହଁତୋଡ଼ ଜବାବ ଟିନା।
ରାଜସ୍ଥାନର ଜୟପୁର ଅନ୍ତର୍ଗତ ଗୋଟିଏ ଫ୍ୟାମିଲ କୋର୍ଟ ଗତ ୧୦ ତାରିଖରେ ଉଭୟଙ୍କ ଛାଡ଼ପତ୍ର ଉପରେ ମୋହର ମାରିଛନ୍ତି। ବିବାହ ବିଚ୍ଛେଦର ମାତ୍ର ୨ ଦିନ ପରେ ସୋଶାଲ ମିଡିଆରେ ମୁହଁ ଖୋଲି ନିଜ ସମାଲୋଚକଙ୍କୁ ଏପରି ଜବାବ ଦେଇଛନ୍ତି ଟିନା
ଉଭୟ ୨୦୧୮ରେ ପ୍ରେମ ବିବାହ କରିଥିଲେ। ଦୁଇ ଜଣ ଅଲଗା ଜାତିର ହୋଇଥିବା ବେଳେ ପ୍ରେମ ବିବାହ କରି ସମାଜ ପାଇଁ ନୂଆ ଉଦାହରଣ ସୃଷ୍ଟି କରିଥିଲେ। କିନ୍ତୁ ୨୦୨୦ ନଭେମ୍ବରରୁ ଉଭୟଙ୍କ ଦାମ୍ପତ୍ୟ ଜୀବନରେ ସୃଷ୍ଟି ହୋଇଥିଲା ଝଡ଼। ଶେଷରେ ମାମଲା କୋର୍ଟରେ ପହଞ୍ଚିଥିଲା। ଦୀର୍ଘ ଗୋଟିଏ ବର୍ଷର ଆଇଗନ ଲଢ଼େଇ ପରେ ଏବେ ଉଭୟ ବିବାହ ବନ୍ଧନରୁ ମୁକ୍ତ ହୋଇଛନ୍ତି।
୨୦୧୫ ମସିହା ୟୁପିଏସ୍ସି ପରୀକ୍ଷାରେ ଟିନା ଟପ୍ପର ହୋଇଥିବା ବେଳେ ଅଥର ଖାନ ଦ୍ୱିତୀୟ ସ୍ଥାନରେ ରହିଥିଲେ। ରାଜସ୍ଥାନ କ୍ୟାଡରର ଆଇଏଏସ୍ ଅଫିସର ଭାବେ ଉଭୟ ଜୟପୁରରେ ପୋଷ୍ଟିଂ ପାଇଥିଲେ। ଏହି ସମୟରେ ଉଭୟଙ୍କ ମଧ୍ୟରେ ଗଢ଼ି ଉଠିଥିଲା ପ୍ରେମ ସମ୍ପର୍କ।
ଏହି ପ୍ରେମକୁ ବିବାହର ରୂପ ଦେଇଥିଲେ ଟିନା ଓ ଅଥର। କଶ୍ମୀର ଯୁବକ ଅଥର ଓ ଟିନାଙ୍କ ବିବାହରେ ବହୁ ବଡ଼ବଡ଼ ଅଫିସର, ରାଜନେତା ଓ ବିଶିଷ୍ଟ ବ୍ୟକ୍ତି ଯୋଗଦେଇଥିଲେ। ସେତେବେଳେ ଏହି ବିବାହ ଗଣମାଧ୍ୟମର ଶୀର୍ଷକ ପାଲଟିଥିଲା। ବିଶିଷ୍ଟ ବ୍ୟକ୍ତିମାନେ ଉଭୟଙ୍କ ବିବାହକୁ ସମାଜ ପାଇଁ ଉଦାହରଣ କହିବା ସହ ସେମାନଙ୍କୁ ଶୁଭେଚ୍ଛା ଜଣାଇଥିଲେ।
ହେଲେ ହିନ୍ଦୁ ମହାସଭା ଏହାକୁ ଲଭ ଜିହାଦର ଆଖ୍ୟା ଦେଇଥିଲା। ଏସବୁ ଭିତରେ ଟିନା ଓ ଅଥର ଦୁଇ ବର୍ଷ ଦାମ୍ପତ୍ୟ ଜୀବନ ଅତିବାହିତ କରିବା ସହ ନିଜ କାମ ମଧ୍ୟ କରି ଚାଲିଥିଲେ। ହେଲେ ସମୟ ବିତିବା ସହ ଦାମ୍ପତ୍ୟ ଜୀବନ ମଧ୍ୟ ବିଗିଡ଼ି ଯାଇଥିଲା।
ଶେଷରେ ଏହି ପ୍ରେମପକ୍ଷୀ ଏବେ ଅଲଗା ହୋଇଯାଇଛନ୍ତି। ଆପୋଷ ସହମତି ଭିତ୍ତିରେ ଉଭୟ ଫ୍ୟାମିଲ କୋର୍ଟରେ ଛାଡ଼ପତ୍ର ପାଇଁ ଆବେଦନ କରିଥିଲେ। ବାରମ୍ବାର ଶୁଣାଣି କରି କୋର୍ଟ ଉଭୟଙ୍କୁ ଏକାଠି କରିବାକୁ ଚାହିଁଥିଲେ। ହେଲେ ଏହା ସମ୍ଭବ ହୋଇପାରିଲା ନାହିଁ। ଶେଷରେ ଅଲଗା ହୋଇଗଲେ ଏହି ଚର୍ଚ୍ଚିତ ପ୍ରେମ ପକ୍ଷୀ।
The post ବିଚ୍ଛେଦ ପରେ ପ୍ରଥମ ଥର ମୁହଁ ଖୋଲିଲେ ଟିନା ଡାବି appeared first on Odisha Reporter.
from Odisha Reporter https://ift.tt/3CQUdoe
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment