ଓଲଟିଲା ଯାତ୍ରୀବାହୀ ଟ୍ରେନ୍‌, ୩ ମୃତ

ୱାଶିଂଟନ: ଭୟଙ୍କର ଟ୍ରେନ୍‌ ଦୁର୍ଘଟଣା। ଓଲଟିଲା ଯାତ୍ରୀବାହୀ ଟ୍ରେନ୍‌। ଆମେରିକାରେ ଏକ ଯାତ୍ରୀବାହୀ ଟ୍ରେନ୍‌ ଡିରେଲ୍‌ ହୋଇ ଓଲଟିଯାଇଛି। ଆମେରିକାର ନର୍ଥ ସେଣ୍ଟ୍ରାଲ ମୋନଟାନା ସହରରେ ଏହି ଦୁର୍ଘଟଣା ଘଟିଛି। ଏଥିରେ ପ୍ରାୟ ୩ଜଣ ଯାତ୍ରୀଙ୍କ ମୃତ୍ୟୁ ହୋଇଥିବା ବେଳେ ଅନେକ ଯାତ୍ରୀ ହୋଇଥିବା ନେଇ ସୂଚନା ମିଳିଛି।

ରେଳ ବିଭାଗ ଦେଇଥିବା ସୂଚନା ମୁତାବକ, ଉକ୍ତ ଟ୍ରେନ୍‌ରେ ପ୍ରାୟ ୧୪୭ଜଣ ଯାତ୍ରୀ ଥିଲେ ଏବଂ ୧୩ ଜଣ କ୍ରୁ ମେମ୍ବର ଥିଲେ। ଶନିବାର ଅପରାହ୍ଣରେ ଏହି ଦୁର୍ଘଟଣା ଘଟିଛି। ‘ଏମ୍ପାୟର ବିଲ୍ଡରକ୍’ ନାମକ ଏହି ଟ୍ରେନ୍‌ଟି ଶନିବାର ପ୍ରାୟ ଅପରାହ୍ଣ ୪ଟା ବେଳେ ଜାପଲିନ୍‌ ନିକଟରେ ଡିରେଲ୍‌ ହୋଇଥିଲା। ଏହାର ପ୍ରାୟ ୫ଟି ଗବି ଓଲଟି ପଡିଥିବା ସୂଚନା ମିଳିଛି। ବର୍ତ୍ତମାନ ଆହତଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରାଯାଇଛି। ଏବେବି ଅନେକ ଲୋକେ ଟ୍ରେନ୍‌ ଭିତରେ ଫଶି ରହିଥିବା ଜଣାପଡିଛି। ସେମାନଙ୍କ ଉଦ୍ଧାର କାର୍ଯ୍ୟ ଜାରି ରହିଛି।

୨୦୧୭ରେ ଏଭଳି ହିଁ ଏକ ଦୁର୍ଘଟଣା ଘଟିଥିଲା। ସିଏଟଲ ସହରର ୬୪ କିଲୋମିଟ ଦୂରରେ ଏକ ଆମଟ୍ରେକ ଟ୍ରେନ୍‌ ଦୁର୍ଘଟଣାଗ୍ରସ୍ତ ହୋଇଥିଲା। ଯାତ୍ରୀବାହୀ ଟ୍ରେନ୍‌ଟି ଡିରେଲ୍‌ ହୋଇ ରାସ୍ତା ଉପରେ ଯାଉଥିବା କାର୍‌ ସହ ବାଡେଇ ହୋଇଥିଲା। ଏଥିରେ ୬ଜଣ ଯାତ୍ରୀଙ୍କ ମୃତ୍ୟୁ ହୋଇଥିଲା।

ସୂଚନା ମୁତାବକ, ଆମଟ୍ରେକ ଟ୍ରେନ୍‌ ହେଉଛି ଆମେରିକାର ସବୁଠାରୁ ହାଇସ୍ପିଡ୍‌ ଟ୍ରେନ୍‌ ମଧ୍ୟରୁ ଗୋଟିଏ। ଏହି ୪୮ ମିନିଟ୍‌ ଭିତରେ ୧୦୦ କିଲୋମିଟର ରାସ୍ତା ପାର୍‌ କରିପାରେ।

"Multiple people injured after an Amtrak train that runs between Seattle and Chicago derailed in north-central Montana, the train agency said. The train had about 147 passengers and 13 crew onboard, Amtrak said," The Associated Press reports#US

— ANI (@ANI) September 26, 2021

The post ଓଲଟିଲା ଯାତ୍ରୀବାହୀ ଟ୍ରେନ୍‌, ୩ ମୃତ appeared first on Odisha Reporter.

from Odisha Reporter https://ift.tt/3udrG8b