କୋରାପୁଟ ଯାଉଥିଲା ପିକ୍ଅପ୍ ଭ୍ୟାନ, ଓଲଟି ପଡ଼ିଲା

କୋରାପୁଟ (ଓଡ଼ିଶା ରିପୋର୍ଟର): କୋରାପୁଟ ଜିଲ୍ଲା ଦଶମନ୍ତପୁର ଲୁଲ୍ଲା ନିକଟ ନୂଆ କଲୋନୀଠାରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ପିକ୍ଅପ୍ ଭ୍ୟାନଟି ଭାରସାମ୍ୟ ହରାଇ ଓଲଟି ପଡ଼ିବାରୁ ଡ୍ରାଇଭର ସମେତ ୧୫ ଜଣ ଆହତ ହୋଇଛନ୍ତି। ଏହି ଦୁର୍ଘଟଣାରେ ୩ ଜଣଙ୍କ ଅବସ୍ଥା ଗୁରୁତର ରହିଛି। ସେମାନଙ୍କୁ କୋରାପୁଟ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି।

ସୂଚନା ଅନୁସାରେ, ଆଜି ସକାଳେ ଯାତ୍ରୀବାହୀ ପିକ୍‌ଅପ୍‌ ଭ୍ୟାନଟି ଲୁଲ୍ଲାରୁ ଯାତ୍ରୀଙ୍କୁ ନେଇ କୋରାପୁଟ ଅଭିମୁଖେ ଯାଉଥିଲା।  ନୂଆ କଲୋନୀ ନିକଟରେ ଗାଡ଼ିଟି ଭାରସାମ୍ୟ ହରାଇ ରାସ୍ତା କଡ଼କୁ ଓଲଟି ପଡ଼ିଥିଲା।

ଦୁର୍ଘଟଣାରେ ଡ୍ରାଇଭର ସମେତ ୧୫ ଜଣ ଯାତ୍ରୀ ଆହତ ହୋଇଥିବା ବେଳେ ୩ ଜଣଙ୍କ ଅବସ୍ଥା ଗୁରୁତର ରହିଛି। ଆହତ ଯାତ୍ରୀମାନଙ୍କୁ ପ୍ରଥମେ ଦଶମନ୍ତପୁର ଡାକ୍ତରଖାନାରେ ଭର୍ତ୍ତି କରାଯାଇଥିଲା। ପରେ ସେମାନଙ୍କୁ କୋରାପୁଟ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି। ପୁଲିସ ଘଟଣାର ତଦନ୍ତ କରୁଛି। ପିକ୍‌ଅପ୍‌ ଭ୍ୟାନରେ ୨୦ ଜଣ ଯାତ୍ରୀ ଥିଲେ।

The post କୋରାପୁଟ ଯାଉଥିଲା ପିକ୍ଅପ୍ ଭ୍ୟାନ, ଓଲଟି ପଡ଼ିଲା appeared first on Odisha Reporter.

from Odisha Reporter https://ift.tt/2XM8mDn