ଯବାନଙ୍କ ଗାଡ଼ିକୁ ଟାର୍ଗେଟ କରି ଗ୍ରେନେଡ ମାଡ଼, ୬ ଆହତ

ଶ୍ରୀନଗର: ଜମ୍ମୁ କଶ୍ମୀରର ବାନ୍ଦିପୋରାରେ ଗ୍ରେନେଡ ଆକ୍ରମଣ। ଆତଙ୍କବାଦୀମାନେ ସୁରକ୍ଷାକର୍ମୀଙ୍କ ଗାଡିକୁ ଟାର୍ଗେଟ କରି ଏହି ଆକ୍ରମଣ କରିଛନ୍ତି। ଏଥିରେ ୬ ଜଣ ସାଧାରଣ ନାଗରିକ ଆହତ ହୋଇଛନ୍ତି।

ବାନ୍ଦିପୋରାର ସୁମ୍ବଲ ପୁଲ ଅଞ୍ଚଳରେ ସୁରକ୍ଷା ବାହିନୀକୁ ଟାର୍ଗେଟ କରି ଆତଙ୍କବାନୀ ଗ୍ରେନେଡ୍‌ ଫିଙ୍ଗିଥିବା କିଛି ଲୋକେ କହିଛନ୍ତି। ସୁମ୍ବଲରେ ଥିବା ସୁମୋ ଟାକ୍ସି ଷ୍ଟାଣ୍ଡରେ ବିସ୍ଫୋରଣ ଘଟିଛି। ଏଥିରେ କେତେକ କାର୍‌ର କାଚ ମଧ୍ୟ ଭାଙ୍ଗି ଯାଇଛି।  ୬ଜଣଙ୍କ ମଧ୍ୟରୁ ୨ଜଣଙ୍କୁ ଚିକିତ୍ସା ପାଇଁ ଶ୍ରୀନଗର ପଠାଯାଇଛି। ଆହତ ୬ଜଣଙ୍କ ମଧ୍ୟରେ ମହମ୍ମଦ ଅଲତାଫ, ଫୈଜଲ ଫାୟାଜ, ମୁଶତାକ, ତସଲିମା ବାନୋ, ଅବ ହମିଦ ଏବଂ ଫାୟାଜ ଅଛନ୍ତି।

ଜମ୍ମୁ କଶ୍ମୀରର ଆତଙ୍କବାଦୀ ସଂଗଠନଗୁଡ଼ିକୁ ହଟାଇବା ପାଇଁ ଚାଲିଥିବା ବିଭିନ୍ନ ଆତଙ୍କବାଦ ବିରୋଧୀ ଅପରେସନ ଜାରି ରହିଛି । ଆତଙ୍କବାଦୀମାନେ ଅତୀତରେ ଅଣ କାଶ୍ମୀରବାସୀଙ୍କୁ ମଧ୍ୟ ଟାର୍ଗେଟ କରିଥିଲେ। ଏଥିରେ ୟୁପି-ବିହାରରୁ ସେଠାରେ କାର୍ଯ୍ୟ କରୁଥିବା କିଛି ଶ୍ରମିକଙ୍କୁ ହତ୍ୟା କରାଯାଇଥିଲା।

ଏହାପୂର୍ବରୁ ପୁଞ୍ଚରେ ଏକ ଆକ୍ରମଣ ହୋଇଥିଲା ଯେଉଁଥିରେ ସେନାର ୬ ଜଣ ସୈନିକ ସହିଦ ହୋଇଥିଲେ। ତା’ପରେ ଏହି ଆତଙ୍କବାଦୀମାନେ ପୁଞ୍ଚର ଜଙ୍ଗଲରେ ଘେରି ରହିଥିଲେ । ଅକ୍ଟୋବର ୨୫ ରେ ଜିଆ ମୁସ୍ତାଫା ନାମକ ଜଣେ ଆତଙ୍କବାଦୀଙ୍କୁ ସେଠାରେ ହତ୍ୟା କରାଯାଇଥିଲା। ସେଠାରେ ଥିବା ଜଙ୍ଗଲରେ ଲୁଚି ରହିଥିବା ଆତଙ୍କବାଦୀଙ୍କୁ ସୁରକ୍ଷା ବାହିନୀ ଖୋଜୁଛି।

ଉଲ୍ଲେଖଯୋଗ୍ୟ, ଗୃହମନ୍ତ୍ରୀ ଅମିତ ଶାହା ୩ ଦିନିଆ ଜମ୍ମୁ-କଶ୍ମୀର ଗସ୍ତରେ ଯାଇ ସେଠାରେ ସୁରକ୍ଷା ବ୍ୟବସ୍ଥାର ସମୀକ୍ଷା କରିଥିଲେ। ଏଥିସହ କାହାର ମୃତ୍ୟୁ ହେବ ନାହିଁ ବୋଲି କହିଥିଲେ। ହେଲେ ୩ଦିନ ଧରି କୌଣସି ଆତଙ୍କବାଦୀ ଆକ୍ରମଣ ହୋଇନଥିବା ବେଳେ ଆଜି ପୁଣି ଥରେ ଆତଙ୍କବାଦୀ ଆକ୍ରମଣ ଆରମ୍ଭ ହୋଇଛି।

Jammu and Kashmir | Few civilians injured in grenade attack by terrorists in Sumbal bridge area of Bandipora; Security forces present at the site of the attack pic.twitter.com/JB5d1HAHtk

— ANI (@ANI) October 26, 2021

The post ଯବାନଙ୍କ ଗାଡ଼ିକୁ ଟାର୍ଗେଟ କରି ଗ୍ରେନେଡ ମାଡ଼, ୬ ଆହତ appeared first on Odisha Reporter.

from Odisha Reporter https://ift.tt/3mb6fCu