ବେକାବୁ ହେଲା କରୋନା, ପୁଣି ଫେରିଲା ଲକ୍‌ଡାଉନ୍‌

ବେଜିଂ: କରୋନର ଉତ୍ପତିସ୍ଥଳ ଚୀନ୍‌ରେ ବେକାବୁ ହୋଇଛି ମାହାମାରୀ। ଭୟଙ୍କର ରୂପ ନେଉଛି କରୋନା ଭାଇରସ। ଏଠି ଦୈନିକ ସଂକ୍ରମଣ ସଂଖ୍ୟା ହୁହୁ ହୋଇ ବଢ଼ି ଚାଲିଛି। ସଂକ୍ରମଣକୁ ରୋକିବା ପାଇଁ ଚୀନର ଭତ୍ତର ପଶ୍ଚିମ ସହର ଲାଞ୍ଝଉରେ ଲକ୍‌ ଡାଉନ୍‌ ଲାଗୁ କରିଛନ୍ତି ସରକାର। ମଙ୍ଗଳବାର ଏହି ଲକଡାଉନ୍‌ ଲାଗୁ ହୋଇଛି।

ଚୀନ୍‌ର ଏହି ସହରର ଜନସଂଖ୍ୟା ପ୍ରାୟ ୪୦ ଲକ୍ଷରୁ ଅଧିକ। ସଂକ୍ରମଣ ରୋକିବା ପାଇଁ ଲୋକଙ୍କୁ ଘରୁ ବାହାରକୁ ବାହାରିବା ପାଇଁ ମନା କରାଯାଇଛି। ଅତ୍ୟନ୍ତ ଜରୁରୀ ଥିଲେ ହିଁ ବାହାରକୁ ଆସିବା ପାଇଁ ଅନୁମତି ରହିଛି। ଚୀନ୍‌ର ବିଭିନ୍ନ ଅଞ୍ଚଳରେ ମଧ୍ୟ ଭିନ୍ନ ଭିନ୍ନ ନିୟମ ଲାଗୁ ହୋଇଛି।

ଗତ ୨୪ ଘଣ୍ଟା ମଧ୍ୟରେ ୩୫ ଟି ସ୍ଥାନୀୟ ସଂକ୍ରମଣର ରିପୋର୍ଟ ହୋଇଥିବା ବେଳେ ସେଥିମଧ୍ୟରୁ ଚାରିଟି ଉତ୍ତର-ପଶ୍ଚିମ ଗାନସୁ ପ୍ରଦେଶରେ ଦେଖିବାକୁ ମିଳିଥିଲା । ଆଭ୍ୟନ୍ତରୀଣ ମୋଙ୍ଗୋଲିଆ ଅଞ୍ଚଳରେ ୧୯ ଟି ଏବଂ ବିଭିନ୍ନ ଅଂଶରେ ୧୯ ଟି ନୂଆ ମାମଲା ସାମ୍ନାକୁ ଆସିଛି । ନୂତନ ମାମଲା ଆସିବା ପରେ ଗାନସୁର ସମସ୍ତ ପର୍ଯ୍ୟଟନ ସ୍ଥାନ ବନ୍ଦ ରଖାଯାଇଛି । ସେହିପରି ଲାଞ୍ଝଉରେ ୨୯ଟି ମାମଲା ସାମ୍ନାକୁ ଆସିଛି।

ଦେଶର ଏକ ଚତୁର୍ଥାଂଶ ଜନସଂଖ୍ୟାର ଟିକା ଦେଇଥିବା ଚୀନ୍ ଖୁବ୍ ଶୀଘ୍ର ତିନି ବର୍ଷ ଏବଂ ତଦୁର୍ଦ୍ଧ୍ୱ ପିଲାମାନଙ୍କୁ ଡୋଜ ଦେବା ଆରମ୍ଭ କରିବ। ଦେଶରେ ମହାମାରୀର ଛୋଟ ଛୋଟ ରୋଗକୁ ରୋକିବା ପାଇଁ ପଦକ୍ଷେପ ନିଆଯାଉଛି। ପାଞ୍ଚଟି ପ୍ରଦେଶର ସ୍ଥାନୀୟ ସରକାର ନିକଟରେ ୩ ରୁ ୧୧ ବର୍ଷ ବୟସର ପିଲାମାନଙ୍କ ପାଇଁ ଟୀକାକରଣ ଘୋଷଣା କରିଥିଲେ।

ଜୁନ୍ ମାସରେ ଚାଇନା ତିନିରୁ ୧୭ ବର୍ଷ ବୟସର ପିଲାମାନଙ୍କ ପାଇଁ ଦୁଇଟି ଟିକା, ସିନୋଫର୍ମ ଏବଂ ସିନୋଭାକ୍ ଅନୁମୋଦନ କରିଥିଲା। କିନ୍ତୁ ତା’ପରେ ସେଗୁଡିକ କେବଳ ୧୨ ବର୍ଷରୁ ଅଧିକ ପିଲାମାନଙ୍କ ପାଇଁ ପ୍ରୟୋଗ କରାଯାଇଥିଲା।

ଚୀନ୍‌ରେ ବର୍ତ୍ତମାନ କରୋନାର ଡେଲ୍ଟା ଭାରିଆଣ୍ଟ ମାତିଛି। ଯାହା ମୂଳ ଭାଇରସ ଠାରୁ ଅଧିକ ମାରାତ୍ମକ। ଏହା ଅଧିକ ଦ୍ରୁତ ଗତିରେ ଲୋକଙ୍କୁ ସଂକ୍ରମିତ କରେ। ଏହି ଡେଲ୍ଟା ଭାରିଆଣ୍ଟ ଚୀନ୍‌ର ଅନେକ ଅଞ୍ଚଳରେ ବ୍ୟାପିଛି। ଗତ ଏକ ସପ୍ତାହ ମଧ୍ୟରେ ଡେଲ୍ଟା ଭାରିଆଣ୍ଟର ପ୍ରାୟ ୧୦୦ରୁ ଅଧିକ ମାମଲା ସାମ୍ନାକୁ ଆସିଛି। ଏଥିପାଇଁ ବିଦେଶ ଯାତ୍ରା କରୁଥିବା ଲୋକଙ୍କୁ ଦାୟୀ କରିଛି ଚୀନ୍‌।

The post ବେକାବୁ ହେଲା କରୋନା, ପୁଣି ଫେରିଲା ଲକ୍‌ଡାଉନ୍‌ appeared first on Odisha Reporter.

from Odisha Reporter https://ift.tt/3Ba6LFb