ଖସୁଛି ପାରଦ, ୭ଟି ସହରର ତାପମାତ୍ରା ୧୫ ଡିଗ୍ରୀ ତଳେ

ଭୁବନେଶ୍ୱର (ଓଡ଼ିଶା ରିପୋର୍ଟର): ରାଜ୍ୟରେ ଧୀରେ ଧୀରେ ବଢ଼ିଲାଣି ଶୀତ। ଏବେ ପାହାନ୍ତିଆ ଓ ସନ୍ଧ୍ୟା ସମୟରେ ଶୀତ ଅନୁଭୁତ ହେଉଛି। ଅଧିକାଂଶ ସ୍ଥାନରେ ସକାଳେ କୁହୁଡି  ଦେଖିବାକୁ ମିଳୁଛି। 

ଗତକାଲି ରାତିରେ ୭ଟି ସହରରେ ତାପମାତ୍ରା ୧୫ ଡିଗ୍ରୀ ତଳେ ରହିଥିବା ରେକର୍ଡ କରାଯାଇଛି। ସର୍ବନିମ୍ନ ତାପମାତ୍ରା ୧୧ ଡିଗ୍ରୀ ସହ ଦାରିଙ୍ଗବାଡ଼ି ରାଜ୍ୟର ସବୁଠୁ ଥଣ୍ଡା ସହର ପାଲଟିଛି । ଏନେଇ ଭୁବନେଶ୍ୱର ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ ଟ୍ୱିଟ୍‌ କରି ସୂଚନା ଦିଆଯାଇଛି।

ସେହିପରି ଫୁଲବାଣୀରେ ସର୍ବନିମ୍ନ ତାପମାତ୍ରା ୧୨.୨ ଡିଗ୍ରୀ ରେକର୍ଡ କରାଯାଇଥିବା ବେଳେ ଟିଟିଲାଗଡ଼ ଓ କେନ୍ଦୁଝରରେ ୧୩.୮, କୋରାପୁଟରେ ୧୪.୦, ଝାରସୁଗୁଡ଼ାରେ ୧୪.୬, ଭବାନୀପାଟଣାରେ ୧୪.୯, ଭୁବନେଶ୍ୱରରେ ୧୭.୪ ଓ କଟକରେ ୧୭.୫ ଡିଗ୍ରୀ ରେକର୍ଡ କରାଯାଇଛି।

ଅନ୍ୟପକ୍ଷରେ ବିଭିନ୍ନ ସ୍ଥାନରେ ଶୀତୁଆ ସକାଳରେ ପ୍ରାତଃଭ୍ରମଣର ମଜା ନେଉଛନ୍ତି ଲୋକେ। ଶୀତ ଦାଉରୁ ରକ୍ଷା ପାଇବା ପାଇଁ ଲୋକେ ନିଆଁ ଜାଳିବା ସହ ଚା’ ଦୋକାନରେ ଭିଡ଼ ଜମାଉଛନ୍ତି ।

#୭ସହର ରେ ୧୫ ଡ଼ିଗ୍ରୀ ତଳେ ରାତ୍ରି ତାପମାତ୍ରା #୧୧ଡ଼ିଗ୍ରୀ ସହ ଆଜି ବି #ଦାରିଙ୍ଗବାଡି ଓଡିଶାର ଥଣ୍ଡା ସହର#ଫୁଲବାଣୀ ୧୨.୨, #ଟିଟଲାଗଡ ଏବଂ #କେନ୍ଦୁଝର ରେ ୧୩ .୮, #କୋରାପୁଟ ୧୪.୦, #ଝାରସୁଗୁଡା ୧୪.୬, #ଭବାନୀପାଟଣା ୧୪.୯ ଡ଼ିଗ୍ରୀ ରାତ୍ରି ତାପମାତ୍ରା#ଭୁବନେଶ୍ୱର ୧୭.୪ ଏବଂ #କଟକ ରେ ୧୭.୫ ଡ଼ିଗ୍ରୀ ରାତ୍ରି ତାପମାତ୍ରା pic.twitter.com/nBKigP9tw5

— Meteorological Centre, Bhubaneswar (@mcbbsr) November 9, 2021

The post ଖସୁଛି ପାରଦ, ୭ଟି ସହରର ତାପମାତ୍ରା ୧୫ ଡିଗ୍ରୀ ତଳେ appeared first on Odisha Reporter.

from Odisha Reporter https://ift.tt/3qA5BRN