ନିଜକୁ ଗୁଳି କରିଦେଲେ ଯବାନ, ୭ ମାସ ତଳେ ଗଢ଼ିଥିଲେ ସଂସାର

ମାଲକାନଗିରି(ଜିତେନ୍ଦ୍ର ବେଉରା) : ୭ ମାସ ତଳେ ବିବାହ କରିଥିଲେ। ଏହାପରେ କିଛି  ମାନସିକ ଚାପରେ ରହୁଥିଲେ। ହେଲେ ଆଜି ସକାଳୁ ହଠାତ୍‌ ନିଜ ସର୍ଭିସ୍ ରିଭଲଭରରୁ ନିଜକୁ ଗୁଳି କରି ଜୀବନ ହାରିଲେ ଯବାନ । ଏପରି ଅଭାବନୀୟ ଘଟଣା ମାଲକାନଗିରି ଜିଲ୍ଲା ପୋଟେରୁ ଫାଣ୍ଡିରେ ଘଟିଛି। ମୃତ ହେଲେ SSBNର କନଷ୍ଟେବଳ ଦୁର୍ଯୋଧନ ମାଝୀ । ପାରିବାରିକ କଳହରୁ ଦୁର୍ଯୋଧନ ଏପରି ଚରମ ପଦକ୍ଷେପ ନେଇଥିବା ଆଲୋଚନା ହେଉଛି।

ସୂଚନା ଅନୁଯାୟୀ, ବରଗଡ଼ ଅଞ୍ଚଳର ଦୁର୍ଯୋଧନ ପୋଟେରୁ ଫାଣ୍ଡିରେ କାର୍ଯ୍ୟରତ ଥିବା ବେଳେ ୭ ମାସ ପୂର୍ବେ ବିବାହ କରିଥିଲେ।  ଏହାପରେ ସେ କିଛି କିଛି ଅଶାନ୍ତି ରହୁଥିବା ସହକର୍ମୀ ଲକ୍ଷ କରିଥିଲେ। ଆଜି ସକାଳୁ ସବୁ ଠିକ୍‌ ଥିବା ବେଳେ ହଠାତ୍‌ ନିଜ ନିଜ ସର୍ଭିସ୍ ରିଭଲଭରରୁ ନିଜକୁ ଗୁଳି କରିଦେଲେ ଦୁର୍ଯୋଧନ । ଫଳରେ ଘଟଣାସ୍ଥଳରେ ତାଙ୍କ ମୃତ୍ୟୁ ହୋଇଛି।

ଏନେଇ ପରିବାର ଲୋକଙ୍କୁ ଖବର ଦିଆଯାଇଥିବା ବେଳେ ଘଟଣାସ୍ଥଳରେ କାଲିମେଳା ଥାନା ଅଧିକାରୀ ପହଞ୍ଚି ତଦନ୍ତ କରୁଛନ୍ତି।   ପରିବାର ଲୋକ ପହଞ୍ଚିଲେ ମୃତଦେହ ବ୍ୟବଚ୍ଛେଦ ପାଇଁ ପଠାଯିବ ବୋଲି ଜଣାଯାଇଛି।

The post ନିଜକୁ ଗୁଳି କରିଦେଲେ ଯବାନ, ୭ ମାସ ତଳେ ଗଢ଼ିଥିଲେ ସଂସାର appeared first on Odisha Reporter.

from Odisha Reporter https://ift.tt/3lAERNr