ବାଂଲାଦେଶର ଐତିହାସିକ ରନ ଚେଜ, ସମସ୍ତେ ଜଳକା

ଢାକା: ନୂଆ ରେକର୍ଡ କରିଛି ବାଂଲାଦେଶ। ପୂର୍ବରୁ ବାଂଲାଦେଶ ଦିନିକିଆ ମ୍ୟାଚ୍‌ରେ କେବେ ହେଲେ ଯାହା କରିପାରି ନଥିଲା, ସେକାମ କରି ଦେଖାଇଛି। ରନ୍‌ ଚେଜ୍‌ରେ ବିରଳ ରେକର୍ଡ କରି ବାଂଲାଦେଶ ପ୍ରଥମ ଦିନିକିଆରେ ଆଫଗାନିସ୍ତାନ ୪ ୱିକେଟରେ ହରାଇ ଦେଇଛି।

ବାଂଲାଦେଶ ପାଇଁ ଏହି ବିଜୟ ଅତ୍ୟନ୍ତ ସ୍ୱତନ୍ତ୍ର। କାରଣ ଗୋଟିଏ ସମୟରେ ଦଳ ୪୫ ରନ୍‌ରେ ୬ ୱିକେଟ ହରାଇ ସାରିଥିଲା। କିନ୍ତୁ ସପ୍ତମ ୱିକେଟ ପାଇଁ ଆଫିଫ୍ ହୁସେନ୍ ଓ ମେହେଦି ହାସନ୍ ଅପରାଜିତ ୧୭୪ ରନ୍‌ ଯୋଡ଼ି ବାଂଲାଦେଶକୁ ଐତିହାସିକ ବିଜୟ ଭେଟି ଦେଇଛନ୍ତି।

ଦିନିକିଆ କ୍ରିକେଟରେ ସପ୍ତମ ୱିକେଟ୍ ପାଇଁ ଏହା ହେଉଛି ଦ୍ୱିତୀୟ ସର୍ବୋଚ୍ଚ ଭାଗିଦାରୀ। ସପ୍ତମ ୱିକେଟ୍ ପାଇଁ ସର୍ବାଧିକ ଭାଗିଦାରୀର ରେକର୍ଡ ଇଂଲଣ୍ଡର ଜୋଶ ବଟଲରର ଓ ଆଦିଲ ରସିଦଙ୍କ ନାଁରେ ରହିଛି। ଉଭୟ ୨୦୧୫ ନ୍ୟୁଜିଲ୍ୟାଣ୍ଡ ବିପକ୍ଷ ବର୍ମିଂହାମ ଦିନିକିଆରେ ୧୭୭ ରନ୍‌ର ଭାଗିଦାରୀ କରିଥିଲେ। ଏବେ ଆଫିଫ ଓ ମେହେଦି ୧୭୪ ରନ୍‌ ଯୋଡ଼ିଛନ୍ତି। ବାଂଲାଦେଶ କ୍ରିକେଟରେ କେବେ ହେଲେ କୌଣସି ଖେଳାଳି ୭ମ ୱିକେଟ ପାଇଁ ଏତେ ସଂଖ୍ୟକ ରନ ଯୋଡ଼ି ନଥିଲେ।

Bangladesh complete epic fightback to win by 4 wickets.#BANvAFG pic.twitter.com/OAuSn302Xl

— Bangladesh Cricket (@BCBtigers) February 23, 2022

ଏହି ମ୍ୟାଚରେ ଆଫଗାନିସ୍ତାନ ଟସ୍‌ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା। ତେବେ ୪୯.୧ ଓଭର୍‌ରେ ଦଳ ୨୧୫ ରନ୍‌ କରି ଅଲଆଉଟ ହୋଇଯାଇଥିଲା। ଏହାର ଜବାବରେ ବାଂଲାଦେଶ ୪୮.୫ ଓଭରରେ ୬ ୱିକେଟ୍ ହରାଇ ଧାର୍ଯ୍ୟ ଟାର୍ଗେଟକୁ ହାସଲ କରି ନେଇଛି।

ଆଫିଫ ହୁସେନ ୧୫୫ ବଲରେ ଅପରାଜିତ ୯୩ ରନ କରିଛନ୍ତି। ଏହି ଇନିଂସରେ ସେ ୧୧ଟି ଚୌକା ଓ ଗୋଟିଏ ଛକା ମାରିଥିଲେ। ସେହିପରି ମେହେଦି ହାସନ ୧୨୦ ବଲରେ ଅପରାଜିତ ୮୧ ରନ୍‌ କରିଛନ୍ତି। ସେ ୯ଟି ଚୌକା ମାରିଥିଲେ।

ଆଫଗାନ ପକ୍ଷରୁ ଫଜଲ ହକ ଫାରୁକି ୪ଟି ୱିକେଟ ନେଇଥିବା ବେଳେ ରଶିଦ ଖାନ ଓ ମୁଜିବ ଉର ରହମାନ ଗୋଟିଏ ଲେଖାଏ ସଫଳତା ପାଇଛନ୍ତି।

ଏହାପୂର୍ବରୁ ଆଫଗାନିସ୍ତାନ ନଜିବୁଲ୍ଲା ଜଦ୍ରାନଙ୍କ ୬୭ ରନ୍‌ ବଳରେ ୨୧୫ ରନ କରିବାକୁ ସକ୍ଷମ ହୋଇଥିଲା। ବାଂଲାଦେଶ ପକ୍ଷରୁ ମୁସ୍ତାଫିଜୁର ରହମାନ ଚମତ୍କାର ବୋଲିଂ ମାତ୍ର ୩୫ ରନ୍‌ ବଳରେ ୩ ୱିକେଟ ନେଇଥିଲେ।

1⃣7⃣4⃣*

Afif Hossain Mehidy Hasan

The second-highest partnership for the seventh wicket in men’s ODIs #BANvAFG pic.twitter.com/1kI2gF9imj

— ICC (@ICC) February 23, 2022

The post ବାଂଲାଦେଶର ଐତିହାସିକ ରନ ଚେଜ, ସମସ୍ତେ ଜଳକା appeared first on Odisha Reporter.

from Odisha Reporter https://ift.tt/RQ4xN6H